Memleket basshysy Qasym-Jomart Toqaevtyń tapsyrmasyna sáıkes, elimizde turǵyn úı qurylysy qarqyndy damyp, halyqtyń baspana jaǵdaıyn jaqsartý boıynsha júıeli sharalar júzege asýda. Osy baǵytta, Naýryz merekesi qarsańynda Túrkistan oblysy, Tólebı aýdanynda 120 páterli jańa kópqabatty turǵyn úı paıdalanýǵa berildi, dep habarlaıdy Egemen.kz.
Joba quny – 2,1 mıllıard teńge, jalpy aýdany – 7877,4 sharshy metrdi quraǵan.
Saltanatty is-sharaǵa qatysqan aýdan ákimi Erkeǵalı Álimqulov jańa qonys ıelerin quttyqtap, olarǵa páter kiltterin tabystaǵan. Baspanamen aldymen az qamtylǵan jáne kópbalaly otbasylar, sondaı-aq ata-anasynyń qamqorlyǵynsyz qalǵan balalar qamtylǵan. Qurylys jumystaryn «Taý Beton» JShS men «Yntymaq-OK» JShS kompanııalary júrgizdi.
Aıta keteıik, óńirde turǵyn úımen qamtamasyz etý sharalary aıasynda buǵan deıin Lenger qalasynyń 1-shaǵyn aýdanynda 23 kópqabatty turǵyn úı salynyp, 1000-ǵa jýyq otbasy baspanaly bolǵan. Qazirgi tańda aýdanda turǵyn úı kezeginde 5000-nan astam azamat tirkelgen.
Bıyl jyl sońyna deıin taǵy úsh kópqabatty turǵyn úıdiń qurylysy aıaqtalyp, qosymsha 156 otbasy jańa páterge ıe bolady.