Qazaqstan úsh jyl buryn jańǵyrý men ádiletti qoǵam qurý jolyn tańdady. Prezıdent kópshiliktiń ózgeristerge degen suranysyn iske asyra otyryp, memleketti nyǵaıtýǵa jáne azamattardyń quqyqtary men múmkindikterin keńeıtýge baǵyttalǵan aýqymdy saıası jańǵyrý baǵdarlamasyna bastamashylyq etti, dep jazady Egemen.kz.
Búgin Májilis sol transformasııany qorytyndylap, memleket kúshtirek, halyq belsendirek bola túskenin málimdedi. Qoǵam ómiriniń barlyq salasy men saıası mádenıet túbirimen ózgerdi.
Prezıdenttiń baıypty baǵdary arqasynda reformalar myzǵymas sıpatqa ıe bolyp, ádilettilik, ashyqtyq jáne jaýapkershilik qaǵıdattary el damýynyń jańa modelin qalyptastyrdy.
Búgin QR Parlamenti Májilisiniń Qarary jarııalandy.
Jańa saıası fılosofııa
Prezıdent eldi basqarýdyń qoǵammen kelisimge baǵyttalǵan jańa modelin negizdep berdi:
Halyq únine qulaq asatyn memleket – óz sheshimderin aıtyp qana qoımaı, qoǵamnyń suranystaryna negizdep, halyqqa qulaq asatyn bılik.
Ádilettilik – zań barlyǵyna birdeı jáne múmkindikter barshaǵa qoljetimdi bolatyn jaǵdaı.
Kúshti ınstıtýttar – «Kúshti Prezıdent – Yqpaldy Parlament – Esep beretin Úkimet» formýlasy boıynsha bılik tarmaqtary arasyndaǵy ońtaıly teńgerim.
Quqyq ústemdigi – turaqty damý kepili
Konstıtýsııa – bizdiń ortaq kelisimimiz jáne onyń prınsıpteri myzǵymaıdy:
Halyqpen birge sheshim qabyldaý – memleket úshin strategııalyq máseleler boıynsha sheshimder qabyldaýǵa árbir azamat qatysa alady.
Saıası básekelestik – kóppartııaly bolýynyń jáne aralas saılaý júıesiniń arqasynda Parlament halyq únine aınalady.
Konstıtýsııalyq Sot – azamattardyń quqyqtaryn qorǵaýdyń jáne ınstıtýttardyń turaqtylyǵynyń kepili.
Kúshti ınstıtýttar – turaqty reformalar negizi
Eldiń damýy – teń dıalog, ózara jaýapkershilik jáne sheshimderdi birlesip izdeý negizinde memleket pen qoǵamnyń ortaq mıssııasy.
Prezıdent reformalar men jańǵyrtýdyń kepili bola otyryp, el damýynyń strategııalyq baǵytyn belgileıdi.
Úkimet qoǵamnyń qajettilikterine nazar aýdara otyryp, ekonomıkalyq, áleýmettik reformalardy ázirleıdi jáne júzege asyrady.
Parlament zańdardy qabyldap qana qoımaı, sonymen qatar múddeler teńgerimin qamtamasyz ete otyryp, bastamalardy qoǵamdyq talqylaý alańy retinde qyzmet etedi.
Azamattyq qoǵam bıliktiń barlyq tarmaǵymen ózara is-áreket etý jáne qoǵamdyq baqylaýdy kúsheıtý arqyly sheshimder qabyldaý prosesiniń belsendi qatysýshysyna aınalady.
Azamattyq ózara is-áreket prınsıpteri
Ashyqtyq – óz halqy úshin ashyq memleket.
Esep berý – memlekettik saıasatty iske asyrý úshin halyq aldynda jaýap beretin bılik.
Shoǵyrlandyrý – barlyq negizgi sheshimder ortaq pikir negizinde jáne qoǵamdyq múddelerdiń keń aýqymyn eskere otyryp qabyldanatyn el.
Ádiletti bolashaq jolyndaǵy birlik
Qazaqstan – adal eńbek tabysqa jeteleıtin, zań tulǵalar men mártebeden joǵary turatyn, al bolashaǵy halyqpen birge qurylatyn el.
Májilis Prezıdenttiń baǵytyna qoldaý bildirip, basty maqsatymyz – Ádiletti Qazaqstan qurý úshin barlyq azamattardy birigýge shaqyrdy.