Terezeden kirgen qaıǵy

Jaz aılarynda balanyń qaýipsizdigi otbasyna ońaı­ǵa túspeıtini bar. Oı­yn balasynyń qaterge baryp urynǵanyn ata-ana baıqaı almaı qalady. Jaz boıy balalar aýrýhanasyna ja­raqat alyp túsetinder tolastamaıdy. Sońǵy jyldary plastıkalyq tere­zeniń torlanǵan kózinen kish­kentaı sábılerdiń qulap ketý oqıǵalary jıilep júr. Rýdnyı qalasynda jarty aıdyń ishinde eki qaıǵyly oqıǵa oryn aldy. Osy qaladaǵy bıik úıdiń 5-shi qabatynan áli eki jasqa tolmaǵan er bala qulap ketip, til tartpaı ketti. – Anasy sanaýly mınýtqa ǵana vannaǵa kirip ketkende, as bólmesinde qalǵan bala tyrmysyp terezeniń aldyna shyqqan. Terezege bekitilgen torǵa súıengende qulap ketken. Bala aýrýhanaǵa jet­kizilgen soń bir saǵat bolmaı kóz jumdy, – deıdi Rýd­nyı qalalyq ishki ister bas­qarmasy jasóspirimder polısııasynyń top aǵa ıns­pektory Tatıana Gýseva. Bir jarym jasar bala úshinshi qabattyń tere­zesinen qulap ketýi de osy qalada oryn aldy. Biraq tiri qaldy. Balaǵa qarap otyrǵan ákesiniń kózi ilinip ketkende, sábı terezege órmelep, aldyna shyqqan da, taǵy da sol torly terezege súıenem dep tómen quldyraǵan. – Bul balany perishtesi qaqqan bolýy kerek, jambasy synǵan, basynan jara­qattanǵan, biraq ómirine qaýip joq. Múmkin jumsaq jerge nemese shóptiń, bu­tanyń ústine qulaǵan bolýy kerek. Ádette, bıikten qulaǵan balalardyń ómirin saqtap qalý qıyn. О́ıtkeni, kishkentaı balalardyń ba­synyń kólemi iri bolady da, olar bıikten qulaǵanda basymen «usha­dy». Qol-aıaǵy synsa onyń jarasy jeńil, basynan alǵan jaraqat ómirine óte qaýipti, – deıdi Rýdnyı qalalyq aýrýhanasy travmatologııa bóliminiń meńgerýshisi Vsevolod Galenko. О́tken jyly da Rýd­nyıda eki bala terezeden qulap ketken bolatyn. Al oblysta mundaı oqı­ǵanyń tórteýi tirkelgen. Po­lıseıler men dárigerler balanyń tynym tappaı jú­giretin, qaýip-qaterdi túsinbeıtin kezinde terezege óte yqtııat bolýdy tapsyrady. Balasy qulaǵan terezeden qaıǵy kiretinin árkim túsinýi tıis. Názıra JÁRIMBETOVA, «Egemen Qazaqstan». RÝDNYI.