Pragadan shyǵysqa qaraı 135 shaqyrym jerde Polıchka qalasynyń aýmaǵynda ornalasqan metall óńdeý jáne oq-dári shyǵaratyn zaýyt qoımasynda jarylys boldy, dep habarlaıdy Egemen.kz dw.com saıtyna silteme jasap.
Aldyn ala málimetterge sáıkes, jarylys trotıl (TNT) saqtalǵan STV Invest holdıngine tıesili qoımada bolǵan.
Oqıǵa saldarynan bir adam aýyr jaraqat alyp, tikushaqpen aýrýhanaǵa jetkizilgen. Jergilikti bılik qaýipsizdik maqsatynda aımaqty qorshaýǵa alyp, barlyq kóshelerdi jaýyp, kásiporyn qyzmetkerlerin evakýasııalaǵan.
Kompanııa ókilderi alǵashqy tekserý nátıjelerine súıene otyryp, jarylystyń óndiristik prosestegi tehnıkalyq qatelikten bolýy múmkin ekenin habarlady.
Aıta keteıik, STV Invest holdıngi artıllerııalyq oq-dáriler óndirisimen aınalysady, sondaı-aq jaıaý áskerdiń soǵys mashınalary, tankter men gaýbısalardy jóndeý jáne jańǵyrtý jumystaryn júrgizedi. Budan bólek, kompanııa avtobýstarǵa arnalǵan esik júıelerin shyǵarady.
Qazirgi tańda jarylystyń naqty sebebi anyqtalyp jatyr.