Balyq sharýashylyǵy komıteti Balqash-Alakól oblysaralyq basseındik balyq sharýashylyǵy ınspeksııasynyń úılestirýimen Qapshaǵaı sý qoımasynda «Taza sý aıdyndary» tabıǵatty qorǵaý aksııasyn bastady, aksııa maýsym aıyna deıin jalǵasady, dep habarlaıdy Egemen.kz.
Aksııanyń maqsaty – sý aıdynyn qoldanýǵa tyıym salynǵan balyq aýlaý quraldarynan tazartý arqyly balyqtardyń ýyldyryq shashý oryndaryna erkin kóshýine qolaıly jaǵdaı jasaý.
Atalǵan sý qoımadan 20 shaqyrymnan astam zańsyz ornatylǵan balyq aýlaý quraldary alynǵan.
Aýyl sharýashylyǵy mınıstrliginiń málimetinshe aksııaǵa tabıǵatty qorǵaý polısııasynyń qyzmetkerleri, TJD, Almaty oblysy ákimdiginiń mamandary, balyq sharýashylyǵy sýbektileriniń qyzmetkerleri, «Almaty qaıyq sheberleri» tobynyń eriktileri – barlyǵy 115 adam qatysyp, is-sharaǵa 53 sý kóligi men 15 avtokólik tartylǵan.