Jambyl oblysy Shý aýdanyndaǵy ana ólimi faktisi boıynsha Densaýlyq saqtaý mınıstrliginiń Medısınalyq jáne farmasevtıkalyq baqylaý komıteti Shý aýdanynyń emhanasy men aýdanaralyq ortalyq aýrýhanasyna qatysty táýelsiz sarapshylardy tarta otyryp, tekserýdi bastap otyr, dep habarlaıdy Egemen.kz sala mınıstrliginiń málimetine silteme jasap.
Tekserý júrgizý kezeńinde Shý aýdanynyń aýdanaralyq ortalyq aýrýhanasynyń bas dárigeri men perzenthana bólimshesiniń meńgerýshisi atqaratyn laýazymdarynan shettetilgen.
«Jambyl oblysy Densaýlyq saqtaý basqarmasy basshysynyń mindetin atqarýshy E.Musabaev tártiptik jaýapkershilikke tartylyp, qatań sógis shyǵaryldy.
Medısınalyq kómek kórsetýdiń standarttary men qaǵıdalaryn buzýǵa jol bergen basqa adamdarǵa qatysty da jumystan shyǵarýǵa deıin tártiptik sıpattaǵy sharalar qabyldanatyn bolady», delingen habarlamada.
Mınıstrlik komıssııasy medısınalyq kómek kórsetý standarttaryn buzýshylyqtardy joıý maqsatynda Jambyl oblysynyń barlyq bosandyrý uıymdaryna monıtorıng júrgizýge bastamashylyq jasady.