AQTAÝ. 11 aqpan. Mańǵystaýda jańa gaz ken orny iske qosyldy. Bul týraly egemen.kz tilshisi habarlady.
«Shaǵyrly-Shómishti» kenorny Mańǵystaý oblysynyń Beıneý aýdany aýmaǵynda ornalasqan. Birneshe jyldan beri ıgerý jumystary júrip jatqan ken orny «Jańa ındýstrııalandyrý» baǵdarlamasy aıasynda ashyldy. Shıkizatty eksporttaýdan daıyn ónim yshǵarýǵa kóshýdiń naqty úlgisi, Mańǵystaý óńiri ekonomıkasyn ártaraptandyrýdyń taǵy bir qadamy bolyp tabylatyn joba aıasynda jańadan 200-den astam jumys oryndary ashylsa, onyń 70 paıyzdaıyn jergilikti turǵyndar quramaq. О́z jumysyn bastaǵan ken orny óndirgen gazdy aımaqtaǵy iri eksporttaýshy «QazAzot» zaýyty óz ónim shyǵarý úrdisinde shıkizat retinde paıdalanatyn bolady. Sonymen qatar, atalmysh zaýyt gazben tolyqtaı qamtamasyz etiledi dep kútilýde.
Gúlaıym Shyntemirqyzy.
Derek, sýret: egemen.kz.