QR Premer-mınıstri Oljas Bektenovtiń tóraǵalyǵymen ótken Úkimet otyrysynda týrıstik salany damytý jáne sıfrlandyrý jónindegi sharalar qaraldy. Memleket basshysynyń bıylǵy naýryz aıynda Ulttyq quryltaıda Shýchınsk-Býrabaı kýrorttyq aımaǵyn damytý jónindegi tapsyrmasyn oryndaýǵa kóńil bólindi, dep habarlaıdy Egemen.kz.
Aqmola oblysynyń ákimi Marat Ahmetjanov atalǵan kýrorttyq aımaqty damytýdyń 2025-2029 jyldarǵa arnalǵan keshendi jospary bekitilgenin jáne iske asyrylyp jatqanyn málimdedi. Jospar óńirdiń týrıstik, kóliktik jáne ınjenerlik ınfraqurylymyn aýqymdy damytýǵa baǵyttalǵan.
«Josparǵa tujyrymdamalyq túrde jańa oryndardy: «Aqbýra» kýrorty, Qatarkól jáne Jókeı kólderiniń aınalasyndaǵy týrızm aımaqtaryn damytý boıynsha is-sharalar engizilgen. 34 ınjenerlik jáne kóliktik jobalardy júzege asyrýdyń basymdyǵy aıqyndaldy. Nátıjesinde, 400 shaqyrym sýmen jabdyqtaý, sý burý jáne jylýmen jabdyqtaý júıeleri, 116 shaqyrym elektr jelileri jáne 80 shaqyrym avtomobıl joldary rekonstrýksııadan ótip, salynatyn bolady», dedi aımaq basshysy.
2025 jyly Býrabaı kýrortyn ınfraqurylymdyq damytýǵa 3,5 mlrd teńge bólingen, onyń ishinde:
0,7 mlrd teńge – respýblıkalyq bıýdjetten; 2,8 mlrd teńge – jergilikti bıýdjetten.Aıta keteıik, Shýchınsk-Býrabaı kýrorttyq aımaǵy elimizdegi úsh týrızm ortalyǵynyń biri bolyp belgilendi jáne óńirdiń negizgi kýrorty bolyp qala beredi.