ORAL. 11 aqpan. Vengrııanyń «Evopro» kompanııasy Qazaqstannyń batystaǵy qaqpasy Oral qalasynda avtobýstar qurastyrýdy qolǵa almaq. Bul týraly atalmysh kompanııa derektory Balash Bodnar elimizdiń kóne de jańa qalasyna arnaıy kelgen saparynda málimdedi, dep habarlady egemen.kz tilshisi.
B.Bodnardyń aıtýynsha, qazirgi zamanǵy qoǵamdyq kóliktiń birneshe túrin shyǵarý kózdelgen. Avtobýstardyń uzyndyǵy 6,5 – 11 metr aralyǵynda bolmaq. Al negizgi qańqasy men súıegi kompozıttik materıaldardan quralady.
Jobanyń taǵy bir artyqshylyǵy, vengrııalyq mamandardyń Qazaqstanǵa ákeletin ónimderi búgingi paıdalanylyp júrgen metall avtobýstardan áldeqaıa jeńil, baǵasy da birshama arzan. Sonymen qatar, ekonomıkalyq jaǵy men qolaılylyǵy turǵysynan da utymdy. Munda múmkindigi shekteýli jandardyń múddeleri de eskerilgen eken. Avtobýstyń kólik qozǵalqyshy qýat únemdeıtin tehnologııaǵa negizdelgen. Ári múmkindigi men qajettiligine qaraı tabıǵı gazben, janar-jaǵarmaımen jáne elektr qýatymen qozǵala beredi.
Oral óńirinde ejelden mashına qurastyrý salasy jaqsy damyǵandyqtan atyshýly vengrııalyq kompanııanyń da tańdaýy naq osy Oral qalasyna túsip otyr. Mysaly, mundaǵy « Oralagroremmash» aksıonerlik qorynda táýelsizdiktiń alǵashqy jyldarynan beri komýnaldyq jáne arnaıy tehnıka túrleri qurastyrylyp keledi. Bul otandyq kásiporynnyń vengrııalyq «Evopro» kompanııasymen kelisimi de bar eken.
Buǵan qosa, aımaqta qolaıly ınvestısııalyq ahýal qalyptasqan. О́z kezeginde, vengrııalyq áriptesterge batysqazaqstandyqtar tarapynan halyqaralyq zań normalary sheńberinde barlyq qoldaý men kómek túrleri kórsetilmek.
Temir Qusaıyn.
Derek: egemen.kz.
Sýret: inform.kz.