AQTAÝ. 11 aqpan. Aqtaýda ózge ult ókilderi arasynda qazaq ónerinen saıys ótti. Bul týraly egemen.kz tilshisi habarlady.
Assambleıanyń 20 jyldyǵy aıasynda ótken óner baıqaýy «Meniń Qazaqstanym» dep ataldy. Tatar, belarýs, ýkraın, orys jáne ózge de ult ókilderi qazaq sazgerleriniń án-kúılerin oryndap, ulttyq aspapta oınaý sheberlikterin synǵa saldy. Qazaqtyń ulttyq kıimin kıip, qazaq bıin bıledi. Qatysýshylar Abaıdyń «Kózimniń qarasy», N.Tilendıevtiń «Saǵynar júrek», Sh.Sarıevtiń sózine jazylǵan B.Oralulynyń «Bozjorǵa», A.Maqalaı men A.Asylbekovtiń sózine jazylǵan R.Gaısınniń áni «Týǵan jer», O.Áýbákirovtiń sózine jazylǵan Á.Beıseýovtiń áni «Muńaıma» jáne M.Jagorqyzynyń «Dýdar-aı» ánderi men M.О́skinbaevtyń, O.Dúısenovtiń kúılerin oryndady. Hor, vokal, solo, ulttyq aspapta oınaý nomınasııalary boıynsha anyqtalǵan jeńimpazdar aranıy syılyqtarmen marapattaldy.
Gúlaıym Shyntemirqyzy.
Derek, sýret: egemen.kz.