San ǵasyrdan beri kele jatqan Naýryz merekesi qazirgideı gúldengen zamanda álemdegi alpaýyt elderdiń astanalarynda da toılanyp jatqany súısindiredi.
Qazaqstan Respýblıkasynyń Amerıka Qurama Shtattaryndaǵy elshiligi Túrkııa, О́zbekstan, Ázerbaıjan, Qyrǵyzstan, Túrikmenstan elshilikterimen birlese otyryp, Vashıngton qalasynda Naýryz merekesine arnalǵan ortaq is-shara uıymdastyrdy. Atalǵan is-shara aıasynda qala turǵyndaryna atalǵan elderdiń ulttyq mýzykasy men bı óneri usynyldy. Vashıngtonda qazaqtyń «Gúlder» toby «Aqqý», «Meıram» bılerin, sonymen birge ultymyzdyń shashý, tusaýkeser rásimderin de is-sharaǵa qatysýshylarǵa kórsetti.
Salty men dástúri bir túrki jurtynyń ortaq meıramy retinde toılanǵan bul is-shara alystaǵy Amerıka jurtshylyǵynyń túrki halyqtary salt-dástúrin túsinýine, sol arqyly Ortalyq Azııadaǵy týysqan elderdiń yntymaǵy men birligin sezinýine túrtki boldy.