PETROPAVL. 11 aqpan. Soltústik Qazaqstannyń Qyzyljar aýdanynda ornalasqan «Alekrı» qus fabrıkasy ozyq tehnologııalardy iske qosýdyń arqasynda kúnine 400 myń dana jumyrtqa alý múmkindigine ıe boldy. Bul týraly egemen.kz. tilshisi habarlady.
Kásiporyn elimizdiń naryǵynda 15 jylǵa jýyq jumys istep keledi. Osy ýaqyt aralyǵynda 6 qýatty óndiristik seh paıdalanýǵa berildi. Memleketten jeńildikpen bir mıllıon dollar qarajatqa 120 myń bas qusqa arnalǵan eki qabatty keshen salyndy. Sýbsıdııa esebinen ónimniń ózindik quny arzandap, qoljetimdi baǵa tutynýshylardy qanaǵattandyrady.
495 myń bas mekıendi baǵyp-qaǵý jumystarymen 50 adam aınalysady. Byltyr 100 mıllıon dana jumyrtqa óndirilip, onnan bir bóligi Reseıge jóneltildi. Bıylǵy meje – 20 mıllıon dana jumyrtqa alý, deıdi mekemeniń dırektory Lıýdmıla Mýhamedova.
О́mir Esqalı.
Derek: egemen.kz.
Sýret: petropavl.sko.kz.