ASTANA. 11 aqpan. Basketboldan Evrochellendj týrnıri aıasynda «Astana» óz alańynda Italııanyń «Enel Basket Brındızı» komandasyn 83:75 esebimen jeńdi. Bul týraly egemen.kz habarlady.
Astana qalasyndaǵy «Saryarqa» respýblıkalyq velotreginde ótken oıynda esepti qonaqtar ashty. Artynsha astanalyqtar «tizgindi» óz qoldaryna alyp, júıeli oıyn órnegin kórsete bastady. Sonyń nátıjesinde, Lýksha Andrıch, Djeıkovan Braýn jáne Djerrı Djonson syndy «Astana» basketbolshylary belsendilik tanytyp, esepte alǵa shyqty. Alǵashqy mınýttarda alań ıelerinen munshalyqty qarsylyq kútpese kerek, «Brındızıdiń» bas jattyqtyrýshysy Per Býchı 6-mınýtta úzilis aldy. Desek te, ıtalııalyq mamannyń bul áreketi aıtarlyqtaı nátıje bermedi. О́z múmkindikterin múlt jibermegen elordalyqtar birinshi kezeńdi 19:14 esebimen óz paıdalaryna aıaqtady.
Ekinshi kezeń alǵashqysyna múldem qarama-qaıshy baǵytta órbidi. Endi esepti teńestirýshi komanda retinde «Astanaǵa» kóp kúsh jumsaýǵa týra keldi. Tipti, qazaqstandyq komandanyń sý jańa bas jattyqtyrýshysy Ramýnas Býtaýtas taım-aýt alyp, oıyn ortasynda shákirtteriniń aptyǵyn basýǵa májbúr boldy. Bul úzilis bizdiń komandanyń oıynyna tyń serpin bergenimen, ekinshi kezeń qorytyndysy boıynsha «Brındızı» 33:37 esebimen jeńiske jetti.
Úshinshi on mınýttyq teń jaǵdaıda ótti. «Astana» sapynan Andrıch, Braýn, Djonson úshtigi erekshe kózge tússe, qonaqtar tarapynan Erık, Pallen jáne Denmon úshtigi alań ıeleriniń qorǵanysyna aıtarlyqtaı salmaq túsirdi. Kezeń sońynda «Astana» 23:22 esebimen basym túskenimen, jalpy esepte qonaqtar alda boldy (56:59).
Astanalyqtar úshin jeńis aýadaı qajet edi. VTB lıgasyndaǵy sońǵy súreńsiz oıyndardan keıin óz jankúıerleriniń kóńilin aýlaý úshin Braýn, Djonson, Kalates jáne Mahalbashıch bastaǵan elordalyqtar sheshýshi kezeńde baryn saldy. Olardyń bul talpynystary kóp kúttirmeı óz jemisin bere bastady. Alań ıeleriniń qarqynyna tótep bere almaǵan qonaqtar jıi qatelikterge boı aldyryp, nátıjesiz soqqylary kóbeıdi. «Brındızıdiń» bosańsyǵanyn baıqaǵan Býtaýtas shákirtteri shabýyldaryn údetip, tórtinshi kezeńde 27 upaı jınady. Al ıtalııalyqtar bul kórsetkishke 16 upaımen jaýap berdi. Tórt kezeń qorytyndysy boıynsha, «Astana» 83 upaı jınasa, «Brındızı» oıynshylary 40 mınýt ishinde enshilerine 75 upaı jazdy.
Osy jeńisten keıin Evrochellendj týrnıriniń «I» tobynda oınaıtyn «Astana» 6 upaımen ekinshi orynda keledi. Top basynda rýmynııalyq «Energııa Rovınarı» komandasy. Olardyń enshisinde 7 upaı bar. Al «Astana» sııaqty 4 týrda 6 upaı oljalaǵan belgııalyq «Okapı Alstar» komandasy ázirge 3-orynda tursa, «Brındızı» 5 upaımen toptyń sońynda keledi. Týrnır aıasyndaǵy kelesi oıyndy qazaqstandyq komanda 18 aqpan kúni syrt alańda «Energııa Rovınarıge» qarsy ótkizedi.
Aıta keter jaıt, «Astananyń» bas jattyqtyrýshysy Ramýnas Býtaýtas úshin ıtalııalyq komandamen bolǵan tartys Evrochellendj týrnırindegi 2008-2009 jylǵy maýsymnan bergi alǵashqy oıyn. Dál sol kezde lıtvalyq maman atalǵan týrnırde baq synaǵan Latvııanyń «Rıga» komandasyn jattyqtyrǵan bolatyn.
Elaman Qońyr.
Derek: egemen.kz.
Sýret: bcastana.kz.