ASTANA. 11 aqpan. Bıýdjet qarjysy esebinen mereıtoı jasaýdan tyıylý kerek. Búgin Aqordada ótken Úkimettiń keńeıtilgen otyrysynda Elbasy Nursultan Nazarbaev osylaı dedi. Bul týraly «QazAqparat» habarlady.
«Bizde mereıtoı jalpyǵa ortaq súıikti is bolyp otyr. Mereıtoı qaıda bolsa, bári sonda. Jıyndarǵa qatysý, banketterde otyrý, osylaı jalǵasa beredi. Álemniń qaı jerinde biz sııaqty mereıtoı ótkizedi? Uly datalardy atap ótip, baspasózde, telearnalarda, ǵylymı-tájirıbelik konferensııalarda aıtý kerek. Al dúrkiretip toı uıymdastyrý, aıdalada myńdaǵan qazaq úı tigý mereıtoı ıesine ne bererin aıtyńdarshy maǵan?», - dedi Elbasy.
Sondaı-aq Prezıdent uly babalarymyz jaıynda buqaralyq aqparat quraldary keńinen aqparat taratýy kerektigin erekshe basa aıtty.
«Mereıtoıdy týǵan-týysy, demeýshiler ótkizsin. Meniń qarsylyǵym joq. Biraq, tek memlekettiń qarjysyna emes», - dedi ol.
Sáken Maılybaı.