Almaty qalasyndaǵy Sadu Arena sport kesheninde ótken Nomad Wrestling 2 týrnırinde Ishki ister mınıstrliginiń memlekettik mekemelerdi kúzetý jónindegi mamandandyrylǵan kúzet qyzmetiniń ınspektory Azamat Baqytov jeńiske jetti, dep jazady Egemen.kz.
Jeńimpaz sportshy jáne birinshi Nomad Wrestling Gran-prı jeńimpazy Azamat Baqytov bul joly djıý-djıtsýdan álem chempıony Rýslan Israılovpen shyqty. Tartysty jekpe-jekte qarsylasyn eki upaı artyq kórsetkishpen tize búktirgen Azamat Baqytov sport súıer qaýymdy tosyn tásilderimen tánti etti.
Azamat – aralas jekpe-jekte juldyzy jarqyraǵan sportshy. Ol 2015 jyly Qazaqstan chempıony, 2017 jyly Qazaqstan Kýbogynyń jeńimpazy, 2016 jyly Azııa júldegeri, grepplıngten 5 dúrkin Qazaqstan chempıony jáne 2 dúrkin Azııa chempıony, 2018-2019 jylǵy álem chempıonatynyń fınalısi, birinshi Nomad Wrestling kóshpendiler oıyndarynyń chempıondyq beldiginiń ıegeri. Sondaı-aq Alash Pride, M-1 Global, NFC, Hardkor-de lıgalarynda rekord ornatqan kásibı sportshy.
Polısııa qyzmetkerleriniń arasynda qyzmette úlgi kórsetýmen qatar, sport salasynda da jeńisti bıikti baǵyndyryp júrgen sportshylarymyz az emes. Solardyń ishinde Azamat Baqytovtyń alyp júrgen asýy kóp.