Petropavlda dronreısıng «IT kazrobodrone» halyqaralyq konkýrsy boıynsha irikteý týrnıri ótip jatyr, dep habarlaıdy Egemen.kz.
Oǵan stýdentter men oqýshylar arasynan 40 adam qatysyp jatyr.
«Bizdiń basty maqsatymyz pılotsyz ushatyn apparattarǵa jastar men olardyń ustazdaryn tartý», deıdi Astana IT University ǵylymı qyzmetkeri Z.Qutpanova.
Jalpy, 2025 jyldyń 3-26 sáýir aralyǵynda Qazaqstannyń 13 óńirinde pılotsyz ushý apparattaryn basqarý boıynsha aımaqtyq irikteý kezeńderi ótedi. Baıqaýǵa dron tehnologııasyna qyzyǵýshylyq tanytqan daryndy oqýshylar, stýdentter men oqytýshylar qatysady.
Qatysýshylar drondardy sımýlıatorlarda ushyrý boıynsha sheberlikterin kórsetedi. Týrnır birneshe kezeńde ótkiziledi. Júlde qory 1 mln teńge.
PETROPAVL