19-25 sáýir aralyǵynda Astana qalasyndaǵy Máńgilik El dańǵylynyń ýchaskesinde Saraıshyq/Máńgilik El kósheleriniń qıylysyndaǵy kólik aıryǵynan F.Ońǵarsynova kóshesine deıin jol tóseminiń joǵarǵy qabatyn aýystyrý boıynsha jumys kezeń-kezeńimen júrgiziletin bolady, dep habarlaıdy Egemen.kz.
Osyǵan baılanysty atalǵan kezeńde jol ýchaskesi ishinara jabylady. Elorda turǵyndary men qonaqtary qozǵalys baǵytyn aldyn ala josparlaǵany jón.
Astana ákimdiginiń resmı saıtynyń málimdeýinshe bıyl qalada barlyǵy 60-tan astam kóshe jóndeledi. Olardyń ishinde: - Jańaqonys kóshesi A. Kenjınnen D. Babataıulyna deıin; - Qartaly kóshesi Oqjetpes kóshesinen M. Dýlatov kóshesine deıin; - Alashtas joly 191-kósheden aınalma jolǵa deıin; - Qorǵaljyn tasjoly (trotýarlar ornatý) - Abylaıhan dańǵyly B. Momyshuly dańǵylynan Manas kóshesine deıin; - Jumabaev kóshesi B. Momyshulynan Qoshqarbaev dańǵylyna deıin; - S.Seıfýllın kóshesi Saryarqa dańǵylynan Respýblıka dańǵylyna deıin jáne t.b.
Sondaı-aq, qurylys aıasynda jobalardy iske asyrý josparlanǵan: - Q.Qaısenov kóshesin Buqar jyraý kóshesinen Uly Dala dańǵylyna deıin salý; - Buqar jyraý kóshesin Joshy han kóshesinen Ál-Farabı dańǵylyna deıin salý; - Mıras mektebinen M.Jumabaev kóshesine deıin Kúıshi Dına kóshesiniń qurylysy jáne t.b.