Reseıdiń Habarovsk qalasynda ótip jatqan bokstan Konstantın Korotkovty eske alýǵa arnalǵan týrnırde Sáken Bıbosynov (54 keli) chempıon atandy, dep jazady Egemen.kz aqparat agenttigi.
Qazaqstandyq boksshy fınalda reseılik Denıs Palshınmen qolǵap túıistirdi. Nátıjesinde ol qarsylasyn 5:0 esebimen jeńip, atalǵan týrnırdiń chempıony boldy.
Sáken Bıbosynov 1992 jyly dúnıege kelgen. Álem chempıonatynda 2021 jyly altyn alsa, 2019 jyly qola júldeger boldy. 2020 jyly Tokıo Olımpıadasynda úzdik úshtikten kórindi.
Sáken jaraqat saldarynan birshama ýaqyt bokstan qol úzip alǵan edi. Soǵan qaramastan týrnır barysynda jankúıer kóńilinen shyǵatyn deńgeıde jekpe-jek kórsetip jatyr.
Endi el quramasynan Saǵyndyq Toǵambaı (92 keli) Sergeı Slobodıan, Nurlan Saparbaı (92 keliden joǵary) reseılik Orýdj Mamedovpen sharshy alańǵa shyǵady.
https://kaz.inform.kz/news/saken-bibosinov-reseydeg-turnirde-chempion-atandi-abe4bf/