О́ńirdegi iri ınvestısııalyq jobalardyń biri sanalatyn Saıram aýdany Aqsýkent aýyldyq okrýginde ornalasqan «Avtotehnologııalar zaýyty» JShS arnaıy maqsattaǵy avtokólikter qurastyrýdy kózdep otyr.
Jospar boıynsha óndiris orny 2025 jyldyń maýsym aıynda iske qosylady, 80 adam turaqty jumyspen qamtylady. Zaýyttyń óndiristik qýaty jylyna 500 dana arnaıy tehnıka shyǵarýǵa jetedi. Qarjylandyrý kózi retinde jeke ınvestorlyq qarajat jáne jeńildetilgen nesıe tetikteri qarastyrylǵan. О́nimniń 80%-y ishki naryqqa shyqsa, 20%-y eksporttalmaq.
Aýdandaǵy sý sorǵysh stansalar jáne aýyl sharýashylyǵy tehnıkalary, munaı kompanııalaryna arnalǵan tehnıka, polımer buıym shyǵaratyn zaýytta 181 adam jumyspen qamtylǵan. 1931 jyly paıdalanýǵa berilgen mashına jasaý zaýyty búginde jylyna 100 nasos shyǵarady. Jer kólemi – 5,6 gektar. Aýdan ákimi Arman Sabıtovtiń aıtýynsha, zaýyt SNP-500/10 tıpti sorǵy stansalaryn shyǵaratyn jetekshi óndiris oryndarynyń biri.
Almaty – Termez halyqaralyq tas jolynyń janynda ornalasqan zaýyttyń óz temirjoly jáne avtomobıl kireberis joldary bar. Sonymen qatar elektrmen jabdyqtaýǵa arnalǵan qosalqy stansalar, aýyzsýmen qamtamasyz etý úshin sý qabyldaǵysh alań, káriz jelisi, mehanıkalyq jóndeý bazasy, sapany baqylaý bólimi men zerthana, konstrýktorlyq-tehnologııalyq bólimder jumys isteıdi.
Oblys aýmaǵynda jumys isteıtin 14 ındýstrııalyq aımaqtan basqa bıyl aýmaǵy 744 gektar bolatyn jańa «Jetisaı», «Otyrar», «Arys», «Qaramurt» jáne «Shardara-2» aımaqtary quryldy. Bul aımaqtarda quny 129 mlrd teńge bolatyn jalpy 84 jobany iske asyrý josparlanǵan. Bıyl 49,7 mlrd teńgege 17 jobany iske qosý mejelengen.
Tólebı aýdanynda 1 ındýstrııalyq aımaq ashý jáne Túrkistan qalasy men Ordabasy aýdanyndaǵy 2 aımaqty keńeıtý jumystary júrgizilip jatyr. Saýran aýdanynda «Shaǵyn ónerkásiptik park» jobasy iske asyrylýda. Joba aıasynda 152 óndiristik ǵımarat salyp, 308 mlrd teńge ınvestısııa tartý kózdelgen. Bastama 6 040 jańa jumys ornyn ashýǵa múmkindik beredi. Búginde 11 joba iske qosylyp, 790 jumys orny ashyldy. Sondaı-aq bıyl tapsyrylatyn 29 ǵımarattyń qurylys jumystarynyń 90%-y aıaqtaldy. Nátıjesinde, 26 joba iske qosylady.
Qytaıdyń iri kompanııasymen kelissóz júrgizilip, ónerkásiptik park aýmaǵynda aýyl sharýashylyǵy drondaryn shyǵaratyn zaýyt salý boıynsha kelisim jasaldy. Joba quny – 5 mln dollar. Qýaty – aıyna 600 dana. Park aýmaǵynda «Jasyl sýyq Qazaqstan» (UBC) halyqaralyq kompanııasy tońazytqysh shyǵaratyn zaýytty iske qosty. Jobanyń jalpy quny 60 mln eýro bolsa, tolyq iske qosylǵanda qýaty jylyna 140 myń dana bolady dep josparlanǵan.
«Shaǵyn ónerkásiptik park» jobasynyń mýltıplıkatıvtik tıimdiligin eskere otyryp, Báıdibek, Keles, Ordabasy, Tólebı, Túlkibas Saıram jáne Saryaǵash aýdandarynda osy tájirıbeni engizý qolǵa alyndy. Sáýirde Ordabasy aýdanynda 8 gektar aýmaqta «Badam» óndiristik parkiniń qurylysy bastaldy. Ol jerde kásipkerler 5 óndiris ornyn ashýǵa qyzyǵýshylyq tanytyp otyr.
Saýran aýdanyndaǵy Iаsy, Qarashyq, Úshqaıyq, Júınek aýyldarynda jergilikti kásipkerler óz qarajaty esebinen 4 shaǵyn óndiristik alańda 22 ǵımarattyń qurylysyn bastady. Ordabasy aýdany Bórjar aýyldyq okrýginde ornalasqan «Altyn Land» JShS-nyń zamanaýı ınnovasııalyq kirpish óńdeý zaýytynyń qurylysy aıaqtalýǵa jaqyn. Innovasııalyq zaýyt jyljymaly týnneldi pesh tehnologııasymen júrgiziledi. О́ndiris orny mamyr aıynda iske qosylyp, jylyna 90 mln dana ónim shyǵarmaq.
«Badam» ındýstrııalyq aımaǵynda «Steklo Rez» JShS-nyń shyny óńdeý jáne shynyny joǵary temperatýrada shynyqtyrý jobasy júzege asyryldy. Aıyna 20 000 sharshy metr shyny óndirýge qaýqarly jobanyń ınvestısııalyq quny – 710 mln teńge. О́ndiris sehy Italııanyń zamanaýı tehnologııasymen jabdyqtalǵan. Shıkizat Reseı, Túrikmenstannan jáne Qyzylorda qalasyndaǵy «OrdaGlass» JShS tabaq shyny zaýytynan ákelinedi.
Túrkistan oblysy