Jeńistiń 80 jyldyǵy jáne Keńes Odaǵynyń batyry Baýyrjan Momyshulynyń 115 jyldyǵyna oraı «Astana Arena» stadıonynda batyrdyń alyp portreti jasaldy, dep habarlaıdy Egemen.kz.
2 736 sharshy metr bolatyn týyndy «Álemdegi eń úlken portret» retinde Dúnıejúzilik rekordtar kitabyna engizildi.
Is-sharany uıymdastyrǵan Astana ákimdiginiń Mádenıet basqarmasy ókilderiniń aıtýynsha portretti jasaýǵa elordanyń shyǵarmashylyq ujymdary, pedagogter men oqýshylar qatysqan. Bıiktigi 70 metr, eni 32 metr bolatyn portret fotomozaıka formatynda qurastyrylǵan jáne árbir pıkseldiń ólshemi 1 sharshy metrdi quraǵan. Ony daıyndaýǵa 700 keli aq boıaý men 320 keli qara boıaý jumsalǵan.
Qytaı jáne Úndistannan arnaıy shaqyrylǵan ókildermen birge rekordty tirkeý jasalyp, uıymdastyrýshylarǵa sertıfıkat pen medal tabys etilgen.