Jumysshy mamandyqtar jyly aıasynda túrkitildes elder arasyndaǵy tuńǵysh TurkicSkills kásibı sheberlik chempıonaty osy jyldyń kúzinde ótedi, dep jazady Egemen.kz.
Chempıonatqa 16 men 22 jas aralyǵyndaǵy 100-den astam jas maman men 80-ge jýyq joǵary bilikti sarapshy qatysady dep josparlanyp otyr. TurkicSkills-2025-ke Túrkııa, Ázerbaıjan, Majarstan, О́zbekstan, Qyrǵyzstan, Túrikmenstan jáne Mońǵolııanyń jumysshy mamandary qatysady.
Oqý- aǵartý mınıstrliginiń málimetinshe, jarys aqparattyq tehnologııalar, qurylys jáne qurylys tehnologııalary, óndiristik jáne ınjenerlik tehnologııalar, áleýmettik jáne jeke qyzmetter syndy 15 negizgi quzyrettilikti qamtıdy. Mobıldi robototehnıka jáne ushqyshsyz ushý apparattaryn (drondardy) basqarý sııaqty bolashaǵy zor baǵyttarǵa erekshe kóńil bólinedi.
Chempıonatty Qazaqstan Respýblıkasy Oqý-aǵartý mınıstrligi uıymdastyrady. Jobany QR OM janyndaǵy «Talap» KEAQ jáne Mańǵystaý oblysynyń ákimdigi júzege asyrady.
Aıta keteıik, bul – jumysshy mamandyqtarynyń bedelin arttyrýǵa, kásibı keńistik qurýǵa jáne túrkitildes elderdiń jas mamandary arasynda tájirıbe almasýdy yntalandyrýǵa baǵyttalǵan aýqymdy bastama. Chempıonat jastardyń áleýetin ashýǵa, zamanaýı tehnologııalardy ilgeriletýge jáne ýaqyt talabyna saı bilikti jańa býyn kadrlaryn daıarlaýǵa arnalǵan mańyzdy alań bolmaq.