ELBASY SО́ZI – ELDIKTIŃ KО́ZI
Qazaqstandyqtar Prezıdent N.Á.Nazarbaevtyń Úkimettiń keńeıtilgen otyrysyndaǵy sózin osylaı qabyl alyp otyr
Sońǵy kezde otandastarymyz arasynda teńgeniń dollarǵa shaqqandaǵy baǵamy kúrt ósedi eken degen ártúrli alypqashpa sózderdiń jeldeı ese bastaǵany jasyryn emes. Eger rasynda da ulttyq valıýtanyń kúrt aýytqýyna jol berilse, bul qarapaıym turǵyndar úshin ońaı bolmaıtyny da anyq. Áıtse de aýrýda shanshý jaman, sózde qańqý jaman degendeı, bul áńgimelerdiń naqty shyndyqqa sáıkese bermeıtinine de Úkimettiń keńeıtilgen májilisinde Elbasynyń barsha qazaqstandyqtarǵa arnaǵan sózinen keıin kóz jetkizip otyrmyz. Sóz joq, qazirgi álemdik ekonomıkalyq daǵdarys jaǵdaıynda mundaı qaýiptiń bolýyn múldem joqqa shyǵarýǵa da bolmaıdy. Sondyqtan qamsyz-qareketsiz otyrmaýymyz kerek. Memleket basshysynyń teńge baǵamynyń kúrt aýytqýyna jol bermeý jóninde qoıǵan talaptary osyndaı maqsattan týyndaǵany aıtpasa da túsinikti. Ári Prezıdent bul úshin birinshi kezekte atqarylýǵa tıisti qajetti tetikterdi de taıǵa tańba basqandaı aıqyn túrde ashyp kórsetti. Atap aıtqanda, buǵan deıin «Samuryq-Qazyna» qory men ulttyq kompanııalar ózderiniń qarajattaryn dollar depozıtteri túrinde paıdalanyp kelgeni belgili. Bul tásil óz kezegi men mezgilinde, belgili bir ýaqyt aralyǵynda ózin ózi tolyǵymen aqtaǵany da aıan. Degenmen, aqsha-qarajat operasııalary qatyp qalǵan nárse emes. Búgingi kúrdeli synı kezeńde osy qalyptasqan qarjylyq dástúrdi ózgertip, dollar depozıtin teńge depozıtine aýystyrý ulttyq valıýta baǵamynyń ornyqty bola túsýine negiz qalamaq. Saıyp kelgende, mundaı kózqarastyń «Samuryq-Qazyna» qory men ulttyq kompanııalarǵa ǵana emes, sonymen birge, elimizdiń barlyq turǵyndary men azamattaryna da qatysy bar. Keshegi kúni Elbasy, mine, osyny aıtty. Bir sózben aıtqanda, munda barshanyń múddelerin eskerýge tyrysýshylyq bar. Sonymen birge, teńge depozıtterin ornyqtyrý jónindegi qadamdarǵa Ulttyq banktiń 11 paıyzdyq mólsherde materıaldyq kótermeleý sharalaryn belgileýi de joǵaryda aıtylǵandaı, barshanyń múddelerin eskerýdiń naqty mysaly. Dollarlyq depozıtke qatysty alǵanda onyń mólsheri 3-aq paıyz ekenin eskersek, teńgege degen aıryqsha qoldaý kórinisi aıqyndala túsedi. Kez kelgen memlekettiń tól valıýtasynyń turaqtylyǵy sol memlekettegi altyn-valıýta qorynyń mólsherine de baılanysty. Elbasy sóziniń túp-tórkininen bul turǵyda da alańdaýǵa, qaýip etýge negiz bolatyndaı faktorlardy baıqaı almadyq. О́ıtkeni, qazirgi 102 mıllıard AQSh dollary kólemindegi eldiń altyn-valıýta qory teńge baǵamynyń kúrt aýytqýyna qarsy tura alatyn taptyrmas tetik bolmaq. Ulttyq bank qyzmetiniń ishki ıirimderin túsine biletin salanyń burynǵy basshylarynyń biri retinde ótken jylǵy teńge baǵamynyń túzetilýi búgingi kún bıiginen qaraǵanda tek oń nátıje kórsetkenin aıta ketkim keledi. Sonyń nátıjesinde Ulttyq qordaǵy qarajat 15 paıyzǵa ulǵaıǵan. Sońǵy kezde Reseı rýbliniń qunsyzdanýyna baılanysty elimizdiń saýda-sattyq júıesinde ımporttyń úlesi kóbeıip, eksporttyń úles salmaǵy azaıyp ketkeni de ras. Mundaı jaǵdaıda qarajat syrtqa ketedi. Toq eterin aıtqanda, munyń ózi otandyq óndirisshilerge zııanyn tıgizedi. Beıne bir olardyń aıaqtaryna tusaý salynǵandaı ahýal ornyǵady. Osy oraıda: bul ýaqytsha jaǵdaı, onyń sheshimi tabylady degen Prezıdent Nursultan Nazarbaevtyń kóregendilikpen aıtqan sóziniń shyndyǵy qazirdiń ózinde belgi, kórinis bere bastady. О́ıtkeni, qazir Reseıdiń Qazaqstanmen shekaralas oblystaryndaǵy taýarlar baǵasy birtindep kóterile bastady. Men buǵan taıaýda Reseıdiń Samara qalasyna jolym túsken kezde kóz jetkizdim. Iаǵnı, básekelestikke qabiletti taýarlar óndirýdiń kezi endi kele jatyr deýge ábden bolady. Bul turǵyda respýblıka Úkimeti tarapynan qazaqstandyq kásipkerler men taýar óndirýshilerdi qoldaý jóninde qosymsha sharalar belgilengeni jáne taýarlar tasymaldaý baǵasyn jeńildetý jóninde másele qozǵalǵany úlken senim týǵyzady. Sondyqtan da oı-pikirimdi túıindeı kele, ósekke senbeıik, jelikke ermeıik, aǵaıyn, demekpin. Batys Qazaqstan oblysy.Fermerler qýana qabyldady
Qazaqstan fermerleri Memleket basshysynyń Úkimettiń keńeıtilgen otyrysynda aıtqan eldiń agroónerkásip keshenin qarjylyq qoldaýdy ulǵaıtý týraly tapsyrmasyn rızashylyq sezimmen qabyl aldy. Bıýdjettiń shyǵystarynyń ońtaılandyrylýyna qaramastan, memleket agrarshylarǵa kómektesýdi jalǵastyrýda. Taıaý ýaqyttardyń ózinde-aq Úkimet otandyq eksporttaýshylardy qoldaýǵa, shaǵyn jáne orta bıznes úshin ınfraqurylymdar tartýǵa, agroónerkásiptik keshenge, ishki rynokty qorǵaý sharalaryna jáne basqalarǵa shamamen 250 mlrd. teńge baǵyttaıtyn bolady. Eldiń búkil óńirlerindegi agrarshylar salanyń eń iri qoǵamdyq birlestigi qyzmetiniń qorytyndylaryn shyǵarý, sondaı-aq, kókeıkesti saýaldarǵa memlekettik organdardan, damý ınstıtýttarynan jaýap alyp, táýelsiz sarapshylardyń pikirlerin bilý úshin Astanaǵa jınaldy. Is-sharada Qazaqstannyń soltústik jáne ortalyq óńirleri úshin kúrdeli bolǵan 2014 jyldyń oraq naýqanynyń qorytyndylary shyǵarylyp, Qazaqstannyń Fermerler odaǵynyń ótken jylǵy jetistikteri talqylandy, birlestiktiń 2015 jylǵa arnalǵan jospary men salanyń tendensııalary zertteldi. Sondaı-aq, fermerler kooperasııa máselesin, Biregeı astyq holdıngi jumysyn, sonymen qatar, taıaýda salyq zańnamasyna engizilgen ózgeristerdiń fermerler jumysyna qalaı áser etetinin talqylady, dep habarlady Qazaqstannyń Fermerler odaǵynyń baspasóz qyzmeti. Borıs IZBASAROV, Ulttyq bank júıesiniń ardageri.Tarta jeseń, taı qalady
Murat TAǴAEV, «Ordabasy qus» JShS dırektory. Elbasynyń Úkimettiń keńeıtilgen otyrysynda sóılegen sózin muqııat tyńdadyq. Álemdik daǵdarys kezinde adamdardyń ózi ári-sári bolyp qaldy. Alańdaıtyndaı jaǵdaı bar. Ekonomıkalyq daǵdarysqa iri memleketterdiń arasynda bastalǵan geosaıası jaǵdaı da qosyldy. Álemdik naryq belgisizdik jaılap otyrǵan kezeńde Memleket basshysy kóńil ornyqtyrardaı keleli oılar aıtty. Qazaqta «tarta jeseń taı qalady» degen qanatty sóz bar. Osy qısynǵa salsań Elbasynyń osyndaı qıyn jaǵdaıda únemshildik týraly aıtqandyǵy kóńilge ábden qonady. Rasynda, biz tarıh tolqyndarynan áli sabaq alǵan joqpyz. Alty alashqa saýyn aıtyp toı ótkizý, bolmashy nárseden sebep taýyp asta-tók shashylý halqymyzdyń qanynda bar. Salystyrar bolsaq, bir qazaqtyń toıyna ketken shyǵyn kórshi memlekettegi azamattardyń tórt-bes toıyna jumsaǵan qarjysyna jetedi. Bul maqtanarlyq jaıt emes. Ol azdaı, elge belgili tulǵalardyń mereıtoılaryn jergilikti jerge, halyqtyń moınyna salý úrdisi kóbeımese azaıǵan joq. «Megajobalar, túrli ótkizilip jatqan mereıtoılardy qysqartyp, balalardy durystap oqytyp, emdeý qajet», degen Memleket basshysynyń pikiri aımaqtaǵy ákimderge de qatysy bar ekenin uǵý kerek. Respýblıkalyq bıýdjet edáýir ońtaılanady. Shynyn aıtsaq, keıbir oblystardyń shaǵyn aýyldarynyń ózinde oqý orny syıyp ketetindeı balabaqshalar salynyp ta ketti. Oqýshylar, tipti, jartysyn da toltyra almaıtyn mektep ǵımarattary bar. Osynyń bári ysyrap, memleket qarjysyna jany ashymaýshylyq. Qazirgi mindet – bar jumys ornyn qysqartpaı, múmkindigi kelgenshe jańasyn ashý. Bizdiń kásiporyn ÚIID memlekettik baǵdarlamasy aıasynda ónim túrlerin 100-ge deıin ulǵaıtýdy josparlap otyr. Buǵan deıin kúrketaýyq etinen 30 túrli ónim shyǵaryp kelemiz. Qus etin óndirý kesheni bıologııalyq qaýipsizdik, tehnologııalar jáne veterınarııa jaǵynan barlyq halyqaralyq standarttarǵa saı keledi. Joǵary tehnologııaly jabdyqtar Belgııadan, AQSh-tan, Izraılden, Ispanııadan, Danııadan, Belarýsten, Reseı men Qytaıdan satyp alyndy. Barlyq osy jabdyqtar energetıkalyq jáne eńbek resýrstaryn únemdeýge múmkindik beredi. Munda óndiristik sıkl tolyq qamtylǵan. Inkýbatorda qus ósiriledi. Tolyqqandy quramajem óndiretin, qus soıatyn, etti tereńdete óńdeıtin, soıys qaldyqtaryn óńdeıtin óndirister jolǵa qoıylǵan. Bastapqyda munda 500 adam jumys isteıtin. Qazir óndiristiń keńeıe túsýimen taǵy 400-deı adam jumysqa ornalasty. Búginde «Ordabasy qus» JShS daıyn ónimderiniń 20 paıyzyn Reseıge eksporttaıdy. ShYMKENT.Memlekettik qyzmet – memleketke qyzmet
Ǵalymbek DOSANOV, Memlekettik qyzmet isteri jáne sybaılas jemqorlyqqa qarsy is-qımyl agenttiginiń Shyǵys Qazaqstan oblysy boıynsha departamentiniń basshysy. Elbasy Nursultan Nazarbaev Úkimettiń keńeıtilgen otyrysynda búgingi ekonomıkalyq daǵdarys pen búkilálemdik belgisizdik, saıası teketirester jaǵdaıynda el ekonomıkasyn odan ári nyǵaıtý joldaryn jan-jaqty áńgimeledi. Memleket basshysy bılik pen jalpy jurtshylyq aldynda turǵan negizgi mindetterdi taǵy bir márte aıqyndap berdi jáne sol arqyly barsha qazaqstandyqtardyń erteńgi kúnge senimin arttyra tústi dep oılaımyn. Sondaı-aq, qazirgideı kúrdeli kezeńde memleket aldynda turǵan ózekti sharalardy júzege asyratyn memlekettik qyzmetshiler ekendigin, olardyń qyzmetine joǵary talaptar qoıylyp otyrǵandyǵyn basa aıtqandyǵyna kýá boldyq. Prezıdenttiń pármenimen memlekettik basqarý júıesine qatysty aýqymdy reformalar júrgizilgeni málim. Memlekettik basqarý júıesin qaıta uıymdastyrý arqyly ákimshilik kedergiler men qaǵazbastylyq qysqardy, memlekettik qurylym qyzmeti ońtaılandyryldy, vedomstvolar arasyndaǵy jaýapkershilik kúsheıdi. Bul jumystar ári qaraı jalǵasyn tabady. Elbasynyń tapsyrmalary boıynsha, Memlekettik qyzmet isteri jáne sybaılas jemqorlyqqa qarsy is-qımyl agenttiginiń Shyǵys Qazaqstan oblysy boıynsha departamenti qoǵamdaǵy kóptegen ózekti máselelerdiń sheshimin taýyp, naqty jumystardy júzege asyrýda. Memleket basshysynyń «Nurly Jol – bolashaqqa bastar jol» atty Joldaýyna sáıkes, Ulttyq qordan túrli salalarǵa, memlekettik baǵdarlamalarǵa jáne ındýstrııalyq-ınnovasııalyq jobalarǵa bólingen qarajattyń maqsatty ıgerilýi qatań baqylaýǵa alynǵan. Sondaı-aq, bizdiń departament qyzmetiniń bir baǵyty bolyp sanalatyn memlekettik qyzmet salasynda biryńǵaı saıasatty júrgizý isine erekshe talap qoıylǵan. Barlyq taǵaıyndaýlar, laýazym boıynsha ilgeriletý, jalpy kadrlyq máseleler elimizdiń zań talaptaryna sáıkes iske asyrylady. Osy oraıda, barlyq memlekettik qyzmetshilerdi Elbasynyń saıasatyn qoldaýǵa, aldymyzda turǵan mindetterdi múltiksiz oryndaýǵa jáne qazaqstandyqtardyń bizge artqan senimin tolyǵymen aqtaýǵa, abyroımen qyzmet atqarýǵa shaqyramyn. Memlekettik qyzmet – memleketke qyzmet, táýelsizdigimizdi nyǵaıtýǵa baǵyttalǵan eńbek. О́SKEMEN.Toı toılaýdyń da jóni bar
Hamza ZEINISh, Ertis aýdandyq ardagerler uıymynyń tóraǵasy. Aldyńǵy kúngi Elbasy Nursultan Nazarbaevtyń Úkimettiń keńeıtilgen otyrysynda sóılegen sózderin búkil el telearnalar arqyly tyńdady dep oılaımyn. Sózdiń mánin uǵatyn adamǵa bul jıyn ul-qyzdaryna aqyl-keńes berip, durys jol kórestip jatqan úlkenniń aıtqandaryn kózge elestetti. Budan artyq asyryp ne aıtýǵa bolady? Bizder uzaq jyldar eńbek ettik, áli de qatardan qalmaı birlesip ardagerler uıymyn quryp qyzmet jasaýdamyz. Qatań talap pen tártip tárbıesin kórgen adamdarmyz. Elbasy sózderin tyńdap otyryp, ótken oıǵa oraldy. «Eńbek adamy úshin onyń eńbekaqysy – baılyq. Sondyqtan jumys oryndary saqtalsyn», – dedi Elbasy. Bári de aıtyldy. Eńbek etińder, jumys jasańdar, óz elimizdi qıyndyq kelse, bárimiz birge alyp shyǵaıyq dedi. О́ıtkeni, aýyl-qalada otyrǵan qalyń el atqarýshy bılikke, Úkimetke, ákimderge senedi. Qarjyny ıgerý, jumys oryndaryn ashý bıliktiń moınynda tur. Basty másele – bıýdjet qarjysyn únemdeýimiz qajet. Muny Prezıdent bıýdjet qarjysy esebinen mereıtoı, shalqyǵan, shylqyǵan, asyp-tasyǵan toı jasaýdan tyıylý kerek dep aıtty. О́te durys. Qoldaımyz. Rasynda da, mereıtoılar ótkizý degen qazirgi kúni sánge aınaldy. Eki kúnniń birinde estip jatamyz. Toı toılaýmen ataq, bedel, abyroı kelmeıtinin túsinýimiz qajet. Túrli jıyndardyń sońy qymbatty bankettermen jalǵasatynyn halyq onsyz da biledi ǵoı. «Álemniń qaı jerinde biz sııaqty mereıtoı ótkizedi? Uly datalardy atap ótip, baspasózde, telearnalarda, ǵylymı-tájirıbelik konferensııalarda aıtý kerek. Al dúrkiretip toı uıymdastyrý, aıdalada myńdaǵan qazaq úı tigý mereıtoı ıesine ne bererin aıtyńdarshy maǵan?», – dedi Elbasy. Bul – memlekettiń qarjysyn talan-tarajǵa salmaýdyń birden-bir joly. Toı toılaýdyń da jóni bar. Týǵan-týysyń, baı demeýshileriń bar bolsa, toı jasa, tek memlekettiń qaltasyna qol salmańdar, dep asta-tók, iship-jemge núkte qoıǵanyn búkil el estidi. Biz bul «shekteýdiń» barlyq qarajaty elimizdiń órkendeýine ǵana jumsalsyn deımiz. Pavlodar oblysy.Otandyq ónim – otanshyldyqtyń belgisi
Marat AHMETOV, Shýche qazandyq-mehanıkalyq zaýytynyń dırektory. Bizdiń ınjener-tehnık qyzmetkerlerimizdiń búgingi jumys kúni Elbasy N.Nazarbaevtyń tóraǵalyǵymen ótken Úkimettiń keńeıtilgen májilisinde alǵa qoıylǵan mindetterdi talqylaýmen bastaldy. Memleket basshysy ýaqyt talabyndaǵy máselelerdi naqty túrde taldap kórsetip, úılesimdi ári shuǵyl isterge kirisýimizdi tapsyrdy. Ásirese, qazirgi kúrdeli jaǵdaıda, «Nurly Jol» baǵdarlamasyn júzege asyra otyryp, otandyq taýar óndirýshilerdi barynsha qoldaý qajettiligi alǵa qoıyldy. Onyń naqty joldary da atap kórsetildi. Qazaqstandyq úlesti molaıtýda oń tájirıbelerdi jańǵyrtý, ózara tıimdi memorandýmdar qabyldaý kózdelgen betburysqa jol ashpaq. «Qazaqstanda jasalǵan» aksııasynyń bastaý alatyny jergilikti taýar óndirýshilerdi qoldaýmen qatar jalpyqazaqstandyq patrıotızmge jańa ekpin bermek. Bul ónim shyǵarýda tolyq qazaqstandyq úlesti qamtamasyz etip otyrǵan zaýytymyzdyń serpile jumys isteýin, tehnologııalyq jaǵynan únemi jetildirilý ústindegi qazandyqtarymyzdyń qoljetimdiligin qamtamasyz etedi. Respýblıkamyzdaǵy bý qazandyqtaryn daıyndaıtyn biregeı kásiporyn óz áriptesterine qyzmettiń barlyq túrin usyna alady. Qazir zaýyt sehtarynda 200-den astam adam jumys istese, 120 mamanymyz respýblıkamyzdyń túkpir-túkpirinde qazandyqtardy ornatý, iske qosý mindetterin atqarýda. Kepildi servıstik qyzmettiń sheńberi de keńeıip keledi. Qazirgi kúni Býrabaı kentindegi jańa qazandyq júıesin paıdalanýǵa berý jumystaryn aıaqtaǵaly otyrmyz. Sondaı-aq, óz oblysymyzdaǵy 23 mektepke qazandyq ornatýdy der kezinde bitirdik. Bizdiń «Qazaqstan temir joly» AQ, Ishki ister jáne Qorǵanys mınıstrlikteri, turǵyn úı-kommýnaldyq sharýashylyq salasyndaǵy turaqty áriptesterimizdiń arqasynda óndiristik jumystarymyzdyń yrǵaǵy tómendegen emes. Memleket basshysynyń Úkimet otyrysyndaǵy sózderi yntymaqty baılanysymyzdyń jandana túsetinin aıǵaqtaıdy. Zaýyt qazirgi daǵdarysty kezeńniń ózinde eńbek adamdaryn qoldaý men áleýmettik mindettemelerin oryndaýdy jalǵastyra beretin bolady. Bizde kadrlar tapshylyǵy joq. Kerisinshe, byltyrǵy jylmen salystyrǵanda jumysshylardyń sany 13,2 paıyzǵa ósti. Shyǵarylǵan ónim kólemi ótken jylǵy qyrkúıek aıyndaǵy kórsetkishten 66 paıyzǵa artyp otyr. Jumysshylardyń ortasha aılyq jalaqysy byltyrǵy 85 myń teńgeden 105 myń teńgege kóterildi. Qala quraýshy kásiporyn retinde óz mindettemelerimizdi minsiz atqarýdamyz. О́ndiristik jetistikterimizdi sanamalap jatý mindet emes bolar. Áıtkenmen, byltyrdyń ózinde respýblıkalyq «Altyn sapa» baıqaýyna qatysyp, 15-shi qurylys kórmesiniń dıplomyn alǵanymyzdy, «Qazaqstannyń úzdik taýary» aımaqtyq kórmeden tabysty oralǵanymyzdy aıta ketýdi jón kórdim. Halyqaralyq sapa sertıfıkatymen jumys isteıtin ujymymyz aldaǵy kezde de otandyq taýarlardy kóptep shyǵarýmen qatar, Memleket basshysy alǵa qoıǵan mindetter mejesinen kórine beretini anyq. Aqmola oblysy, Býrabaı aýdany.El ekonomıkasynda daǵdarystyń sebebi joq
Ilııas ISAEV, T.Rysqulov atyndaǵy Qazaq ekonomıka ýnıversıteti ekonomıka jáne bıznes kafedrasynyń dosenti. Ekonomıka ǵylymynda – jahandyq daǵdarys, qurylymdyq daǵdarys, sıkldi daǵdarys jáne qarjylyq daǵdarys degen tujyrym bar. Bulardyń ishindegi qarjylyq daǵdarys degeni bizdiń elimizde joq. Olaı deıtinim, Qazaqstannyń syrtqy ekonomıkalyq qaýipsizdigin qamtamasyz etetin aktıvteri jeterlik. Jahandyq daǵdarys deıtin túri qazirde álemdegi barlyq memleketterge syrttaı áser etetin faktor. Dúnıejúzindegi munaı baǵasyna, Eýropanyń jarııalap jatqan sanksııalaryna qatysty oryn alatyn daǵdarystar. Bul da bizge tikeleı áser etpeıdi. Tek Eýropanyń daǵdarystary syrtqy eksportymyzǵa ǵana áser etýi múmkin. Syrtqy daǵdarystyń áseri valıýtalyq jaǵdaıǵa yqpal etip, bizge syrttan keletin tehnologııalyq jabdyqtarǵa qatysy bolady. Al endi qurylymdyq daǵdarys degenimiz – ishki ekonomıkanyń túrli salalarynyń ilgeri-keıindi damýynan týyndaıdy. Mundaı nárse oryn almaýy úshin bizdiń memleketimiz oǵan qarsy baǵdarlamalar qabyldap úlgerdi. Endi sony tııanaqty júzege asyrsaq, biz daǵdarysqa urynbaı aman ótemiz. Qıyndyqtyń taǵy bir túri sıkldi daǵdarys dedik qoı. Bul da bizdiń ishki ekonomıkamyzda joq. Ol – syrtqy faktor jáne álemdik ekonomıkada bolyp jatqan dúnıe. Qazirgi munaı baǵasy men ózara básekeles monopolııalyq áreketterden týyndap otyrǵan jaıt. Iаǵnı, qoldan jasalyp otyrǵan daǵdarys. Tolaıym alǵanda, bizdiń memlekettik ishki ekonomıkada daǵdarys joq. Bizde ilgeri basý men damý joldaryna shyǵý úderisi basym. Bir nárse anyq – Qazaqstannyń ekonomıkasynda joǵarydaǵy jaılardyń sebebi joq. Myna máseleni eskerýimiz kerek, daǵdarys bolatyn jerde onyń sebebi bolady. Iаǵnı, bizdiń ekonomıkamyzda daǵdarys bolý turmaq, ázirge sebebi de anyqtalǵan joq. Osy rette Memleket basshysy Nursultan Nazarbaevtyń qolǵa alǵan baǵdarlamalary kóptegen yqtımal táýekelderdiń aldyn oraıtyn sheshim. Bizdiń ishki naryǵymyzda ekonomıkalyq daǵdarys joq dep qadap aıtýmen qatar, biz qazir syrtqy faktorlardyń otandyq ekonomıkaǵa áser etpeý joldaryn qarastyryp jatqandyǵymyzdy basa aıtqym keledi. ALMATY.Jumys orny da, jalaqy da qysqarmaıdy
Ibragım AQDRAShEV, «NefteStroıServıs» JShS quryltaıshysy. О́mir bolǵan soń túrli qıyndyqtar kezdespeı turmaıdy. Ásirese, álemdi qarjy daǵdarysy dendegen, onyń ústinde munaı baǵasynyń tómendegen sátinde tek qýatty elder básekege qabiletti bola alady. Osy turǵydan aıtqanda, ekonomıkasy turaqty, birligi myqty Qazaqstan jurtshylyǵy qıyndyqty eńseredi dep oılaımyn. Olaı deıtinim, bizde álem elderiniń eńsesin túsirgen búgingideı qıyndyqtyń talaıyna qarsy tura alatyndaı sharalar qolǵa alynyp keledi. Buǵan Elbasy Nursultan Nazarbaevtyń alysty boljaı alatyn kóregendiligi men ekonomıkany órkendetý jolynda reformalardy sátti júzege asyra alatyndyǵy, eń bastysy, halyqtyń ál-aýqatyn túsirmeýge basa mán beretindigi oń septigin tıgizip otyr. Elbasy aldyńǵy kúni Úkimettiń keńeıtilgen otyrysynda da jahan jurtynyń mazasyn ketirgen qıyndyqtardy eńserý jóninde sharalardy iske asyrý qajettigin aıqyndap berdi. Ásirese, iri kompanııalar basshylarynyń nazaryn jumys oryndaryn qysqartpaýǵa aýdarýynyń mańyzy aıryqsha dep bilemin. Nursultan Ábishulynyń «Jumys adamy úshin eń bastysy –óziniń jumys ornyn saqtaý. Men muny burynǵy jumysshy retinde aıtyp otyrmyn. Nápaqa tabý úshin ony óziniń erikti túrdegi kelisimimen basqa jaqqa jiberýge bolady. Ondaı jaǵdaıda esh másele joq. Biraq, men barlyq kompanııalardyń nazaryn aýdarǵym keledi: eger óndiristi tómendetip, adamdardy qysqartýǵa májbúr bolsańyzdar, jumys oryndaryn saqtaý qajet. Ol múmkin basqa jumys ister. Adam úshin, onyń otbasy úshin bul barynsha mańyzdy», deýinen barsha qazaqstandyqtyń ál-aýqatynyń tómendemeýin qalaıtyny, halyqtyń áleýmettik jaǵdaıyna alańdaıtyny anyq baıqalady. Osy oraıda, qurylǵaly beri kóp salaly iri kásiporynǵa aınalyp, elimizdiń órkendeýi men áleýmettik ahýalynyń jaqsarýyna laıyqty úlesin qosyp kele jatqan «NefteStroıServıs» seriktestiginde de turaqty jumys oryndary udaıy saqtalatyndyǵyn senimdi túrde aıta alamyn. О́ıtkeni, bizdiń kásipornymyz táýelsizdiktiń eleń-alańynda qurylǵan alǵashqy qarlyǵashtardyń biri ispetti. Elbasynyń shaǵyn jáne orta bıznesti qoldaýynyń jemisin kórip keledi. Alǵashynda merdigerlik jumystarmen aınalysyp, álemge áıgili «Teńiz» kenishin ıgerýge belsene atsalystyq. Sonymen birge, birneshe salany qosymsha damytý maqsatymen túrli mekemeler jumysyn jolǵa qoıdyq. Osylaısha, «NefteStroıServıs» seriktestiginiń janynan qurylǵan enshiles mekemelerimizdiń jumysyna da qoldaý bildirip otyrmyz. Qazir ekonomıkanyń ár salasynyń órkendeýine úlesimizdi qosý úshin óndiriste zamanaýı jańa tehnologııalardy kóptep qoldanýdy qolǵa aldyq. Al bul jańa jumys oryndaryn molynan ashýǵa negiz qalady. Qazirgi ýaqytta bizdiń kásiporyn munaıly Atyraýdyń 5000 adamyn turaqty jumyspen qamtyp otyr. Jyl saıyn óńirdiń áleýmettik salasyna qoldaý jasaýdan qalys qalǵan emespiz. Sonymen birge, ata-ana qamqorlyǵynsyz qalǵan 40 balany kásiporynǵa jumysqa qabyldap, túrli mamandyq ıesi ataný úshin arnaýly jáne joǵary oqý oryndarynda oqytyp aldyq. Olardyń shańyraq kóterýine de udaıy qoldaýymyzdy kórsetip, baspana satyp áperdik. Bul – bizdiń bıznestiń áleýmettik jaýapkershiligin jete sezinýimizdiń bir kórinisi. Bizde ár qyzmetkerdiń áleýmettik turmysyn jaqsartýǵa baǵyttalǵan baǵdarlamamyz bar. Endeshe, bizdiń kásiporynda jumys jasaıtyn ár adamnyń turaqty jumysy, kóńilge qonymdy jalaqysy saqtalady. Iаǵnı, jumys oryndary da, jalaqy kólemi de qysqarmaıdy. Sebebi, bizdiń «NefteStroıServıs» – ulttyq ekonomıkany órkendetýge laıyqty úlesin qosyp kele jatqan, táýelsiz Qazaqstanymyzdyń ıgiligine qyzmet jasaýdy kózdegen, keleshegi kemel kásiporyn. Atyraý oblysy.