Kúnge bet alǵan kerýen

Keler kúnniń kemel kelbeti

Astanadaǵy alqaly jıynda Elbasynyń «Nurly Jolyn» óz aýzynan estip, aıtqandaryn jan-júregimnen ótkizgen sol bir tolqyǵan sátimdi taǵy bir esi­me alyp otyrmyn. Ol kezde «Nur Otandaǵy» partııalas árip­testerimmen birge tarıhı jańa Joldaýdyń kýási bolamyz degen oı-qaperimizde bolǵan joq. Sóıtse de álemniń saıası-áleý­mettik kelbeti kún saıyn ózgerip jatqan búgingideı ýaqytta Memleket basshysy Nursultan Nazarbaevtyń óz Joldaýyn par­tııa­nyń Saıası keńesinde jarııalaýy barlyq nurotandyqtardy qatty tolqytqany ras. Kóńilge úreı emes, senim uıalata otyryp tol­ǵana sóılegeni de kóz aldymyzda. Partııa Tóraǵasynyń: «Al­dymyzda kele jatqan jahandyq synaqtardan tek myqty memleketter, judyryqtaı jumylǵan halyqtar ǵana óte alady», dep qıyndyqtardan shyǵar joldyń nurly shýaǵyn kórsetkeni de jıyn­ǵa qatysýshylardyń júre­gine berik uıalady. О́mirdegi negizgi mamandyǵym aýyz ádebıetin zertteýshi bolǵan­dyqtan ba, sol tolqymaly sátte Abylaı hannyń zamandasy,  áıgili Shal aqynnyń bir ataly sózi jadymda jańǵyra berdi. Ol «Alys­tan kedeıliktiń aldynan shyq, tóbesi kóringen soń qıyn bolar», dep kelýshi edi. Bul osydan áldeneshe ǵasyr buryn aıtylǵan aýmaly-tókpeli zamannyń ǵıbraty. Keshegi sheji­reli  tarıhymyzda halqymyz talaı «tar jol, taıǵaq keshýlerden» ótti. Úzilmegen úmitti ulttyq rýh pen senimge jalǵaı otyryp, búginge jetti. Sol uly babalarymyzdyń ula­ǵatty jolymen kele jatqan Elbasynyń týǵan halqyna kedeı­shilik qamytyn kııýden saqtanatyn biregeı joldardy kórsetýi naǵyz kemeńgerliktiń belgisi desek, jaraspas pa! Dál qazirgi kezde Qazaqstannyń halyqaralyq qaýymdastyqta derbes, qýatty jáne ilgerishil mem­leketke aınalyp, álemdik mańyz­dy is-sharalardyń bastama­shysy bolyp júrgeni jáne bıik bedelge ıe bolýy – Tuńǵysh Prezı­denti­miz Nursultan Ábishuly Nazar­baev­tyń kóregendigi men sheber bas­shylyǵynyń nátıjesi ekeni daýsyz. Elbasymyz jańa Joldaýy arqyly elimizdiń damý satysynda kezdesetin qıyndyqtardyń aldyn alýda óz saıasatynyń astarly da, sarabdal ekenin taǵy da dáleldep berdi. Sol sebepti bul qujatty qalamyzdaǵy 627 bastaýysh partııa uıymynda tirkeýde turatyn 60 myńnan asa áriptesimiz asqan qyzyǵýshylyqpen qabyldap, lezde qoldaý bildirdi. Osylaısha, bir júrekten shyǵyp, mıllıondaǵan júrekke jetken «Nurly Jol» ar­qyly elimizdi odan ári órkendetýge úles qosýǵa daıyn ekendikterin tanytty. Shynynda da, kemel bolashaqqa bastar joldaǵy atqarylar sharýalardy qadaǵalaý nurotandyqtarǵa júktelgeni biz úshin úlken senim ári zor jaýapkershilik ekeni haq. Sóz retine qaraı, 15 jyldyǵyn atap ótken «Nur Otannyń» osy ýaqyt aralyǵynda eń yqpaldy saıası kúshke aınalǵanyn atap ótkim keledi. Sońǵy kezderi partııa jumysynyń sapasyn arttyrý men onyń qurylymdaryn ońtaı­landyrý kezeńi de sátti júrgizildi. Máselen, partııanyń barlyq qurylymdaryndaǵy qyzmetkerler attestattaýdan ótkizilip, qalalyq fılıaldyń shtaty qysqartyldy, keıbir bólimder irilendirildi. Sondaı-aq, materıaldyq-teh­nı­kalyq bazamyz tolyqtaı ja­ńar­tyldy, aýdandyq fılıaldar jańa avtomobıldermen qam­tyldy. Úsh aýdandyq fılıalymyz jańa ǵımaratqa kóshirilse, úsh aýdanda qurylys jumystary aıaq­talýǵa jaqyn. Jańadan ashyl­ǵan Naýryzbaı aýdanynda taǵy bir fılıalymyz qurylýda. Barlyq deńgeıdegi qoǵamdyq qabyl­daý bólmeleri zaman talabyna sáıkes elektrondy baılanys-ınter­net júıelerine qosyldy. «Elektrondy partııa» úzdiksiz jumys isteýde, endi ınternet arqyly kez kelgen adam úıinen shyqpaı-aq bizben habarlasýyna múmkindigi bar. Búginde osyndaı zaman talabyna laıyqty jumys isteýine barynsha qolaıly jaǵdaı jasalǵan almatylyq nurotandyqtar óz qyz­metinde uıymshyldyq pen isker­liktiń bıik úlgisin kórsetip keledi. Jýyrda bolyp ótken kezekti esep-berý saılaý konferensııasynda qalalyq fılıal tóraǵasy, qala ákimi A.Esimov partııanyń «Qazaqstan. 2017 – maqsattary. Ult­tyq is-qımyl jospary» Saı­­laýal­dy tuǵyrnamasynda bel­gi­lengen is-sharalar jos­parynyń 9 baǵyty boıynsha mindettemelerdiń barlyq salada tolyq oryndalǵanyn atap ótýi – sonyń jarqyn bir kórinisi. Bul – bárimizdiń ortaq jetisti­gimiz, onda árbir partııa múshesiniń ózindik qoltańbasy bar. Demek, partııanyń Saıası doktrınasynda kórsetilgendeı, qoǵam men bı­lik arasyndaǵy baılanystardy barynsha nyǵaıtý arqyly alma­tylyqtar óz mindetterin abyroımen atqaryp keledi. Qoǵamdaǵy partııa bedelin kóterý maqsatynda rýhanı másele­lerge qatysty azamattardyń bas­tamalary men kúsh-jigerin bir arnaǵa sabaqtastyrýǵa da basa nazar aýdarylýda. Bul jaýapty mindetti «Nur Otan» partııasy AQF janynan bıyl ǵana qurylyp, óner men ádebıettegi, ǵylym men bilimdegi tanymal tulǵalardy biriktiretin qalalyq qoǵamdyq «Mıras» shyǵarmashylyq keńesi óz quzyryna alǵanyn aıta ketken oryndy. Qalalyq «Mırasqa» jetek­shilik jasaýdy ǵylymdaǵy tanymal tulǵa, akademık, Ult­tyq ǵylym akademııasynyń prezı­denti, qalalyq fılıaldyń saıa­sı keńesiniń múshesi Murat Jurynovtyń qolǵa alýy – Qoǵam­dyq keńestiń zııaly qaýym ortasynda bedeliniń tez ósýine áser etti. Qysqa merzimde 3 otyrysyn ótkizgen Keńes músheleri sırek kitaptar men qoljazbalardy retteý, murajaılar men ondaǵy jádigerlerdi saqtaýdyń ózekti máseleleri jóninde Mádenıet jáne sport mınıstrligine, Or­ta­lyq apparatqa birqatar naq­ty usynystar túsirdi. О́zim de bu­r­ynǵy mýzeı qyzmetinde bas­shy­lyq jasaǵan tájirıbemnen bile­min, bizdiń mýzeıler áli kúnge deıin 1984 jylǵy nusqaýlyq-ıns­trýksııamen jumys jasap kele jatqany kóńil qynjyltady. Son­dyqtan, bul baǵyttaǵy rýhanı jumystar aldaǵy ýaqytta da jalǵasa bermek. Bul «Nurly Jol» baǵdarlamasynan týyndaıtyn jańa mindetter men tapsyrmalarǵa sáıkes keledi. Joldaýda aıtylǵandaı, Saı­laýaldy tuǵyrnamamyzdyń negizgi ındıkatorlarynyń biri – mektep problemalaryn sheshý birinshi kezekte júzege asyrylýy qajet ekendigi jurt arasynda erekshe yqylaspen qabyldandy. Sonaý ótken ǵasyrdyń basynda Maǵjan Jumabaevtyń aıtqany bar: «Qazaqtyń taǵdyry, keleshekte el bolýy da mektebiniń qandaı negizde qurylýyna baryp tireledi». Munyń Joldaýdaǵy negizgi oımen qalaı úılesip turǵanyn ózderińiz de baıqadyńyzdar. Sońǵy jyldary Almaty qa­la­synda salynǵan bilim oshaq­tary­nyń deni qazaq mektepteri. 1989 jyly 1 ǵana qalalyq qazaq mektebi bolsa, qazir olardyń sany 62-ge jetti. Oǵan qosa 68 aralas mektep bar. Olar da birtindep qazaq mek­tebine aınalýda. Bul – qazaq tilin­de bilim alǵysy keletinderdiń kóbeı­genin jáne bilim sapasynyń art­qanyn kórsetedi. Qazirgi ýa­qyt­­ta ózge ult ókilderiniń ara­syn­da da mem­lekettik tildi úı­rený­shi­ler, bala­laryn qazaq tilindegi bala­baq­shaǵa, mektepterge berýge nıet bil­dirýshiler jyl saıyn artyp keledi. Til – adamdardy ja­­­qyn­­das­­tyratyn rýhanı altyn kó­­pir. En­deshe, bul baǵyttaǵy ońdy qadam­­dar Elbasynyń «Birligimiz ben etnos­aralyq kelisimdi bizdiń ózi­­miz saqtaýǵa tıispiz», deıtin qaǵı­dasyna sáıkes keledi. Joldaýda «Jastar – bizdiń bolashaǵymyzdyń tiregi. «Nurly Jol», mine, jastarymyzdyń kúsh-jiger jumsap, qulash sermeıtin tusy osy!» degen jalyndy joldar bar. Memleket jastarǵa qur senim artyp qana qoımaı, olardyń sapaly bilim, sanaly tárbıe alýyna, mamandyqtardy ıgerýine bar múmkindikterdi jasap keledi. Bul rette, Almatyda elimizdegi jastardyń basym bóligi shoǵyr­lan­ǵanyn esten shyǵarmaǵan jón. Alyp shaharymyzdyń barlyq tynys-tirshiligine belsendilikpen qatysatyn jastar óner men má­denıette, bilim men ǵylymda, sportta úlken jetistikterge je­tip, el mereıin kóterýde. My­sa­ly, sporttyń ár túrinen halyq­ara­lyq talaptarǵa saı álem­dik ja­­rystardyń joǵary deń­geıde uıym­dastyrylýy qala­myzdyń aldaǵy 2017 jylǵy Ýnıversıadany oı­da­ǵydaı ótkizetininiń kepili. Bul aıtýly jetistikter arý Almatynyń 2022 jylǵy qysqy Olımpıadany qa­byldaý múmkindigin de jaqyndata túspek. Jastar isi partııa tarapynan da qoldaý tabýda. Bıylǵy jyly par­tııanyń «Jastar kadrlyq rezervi» baǵdarlamasy aıasynda Al­maty qalasynan 132 úmitker jo­baǵa qatysyp, onyń 60-sy res­pýb­lıkalyq kezeńge ótti. 5 jas mamanymyz Astana qalasyndaǵy ınnovasııalyq joǵary oqý baǵdar­la­masymen bilim alý joldamasyn je­ńip aldy. 3 úmitkerimiz Respýb­lı­k­a­lyq kadrlar rezervine  alyndy. Joǵary oqý oryndaryn bitirý­shilerdi jumysqa ornalastyrý baǵytyndaǵy «Sátti qadam» jobasy boıynsha partııanyń Almaty qalalyq fılıalynda 150 jas maman irikteýden ótkizildi. Joba aıasynda synnan súrinbeı ótken 50 úmitker qaladaǵy memlekettik mekemeler men ulttyq kompanııalarda kásiptik tájirıbeden ótýge jiberildi. Bul jaqsy dástúr partııa men Kásipkerler palatasy arasynda jasalǵan memorandým negizinde bolashaqta da jalǵasady dep oılaımyz. Budan basqa, almatylyq jas­otan­dyqtar «Ardagerlerdi ar­daq­taıyq» baǵdarlamalary boıynsha 860 soǵys ardageriniń úılerine baryp, turmystaryn zerttedi, arnaıy tirkeýge aldy. Aýdan ákimdikterimen birlesip, azyq-túlik kómegin kórsetýdi uıymdastyrdy. Qalalyq ákimdikpen, «Jas Otan­men» birlesip, «Taza meken» aksııasyn júrgizip, Medeý shat­qaly, Esentaı, Úlken jáne Kishi Almaty ózenderiniń jaǵa­laý­laryn tazartýǵa stýdent jastar­dy jumyldyrdyq. Qala kóshelerine 75 myń dana jasyl jelek otyr­ǵyzýdy uıymdastyrdyq. Jastar bolashaǵymyzdyń tiregi ekenin osyndaı jarqyn isteri arqyly kórsetip keledi. Elbasy óz Joldaýynda 2015 jyl – ulttyq tarıhymyzdyń ulyqtalatyn jyly ekenin erekshe atap ótti. Sondaı-aq, Qazaq handyǵynyń – 550, Qazaqstan halqy Assambleıasy men Kons­tı­týsııamyzdyń – 20, Uly Jeńistiń 70 jyldyǵy sııaqty aıtýly me­rekeler kele jatyr. Onyń ar­ǵy­­­ jaǵynda Táýelsizdigimizdiń 25 jyldyq mereıtoıy men EKSPO-2017 halyqaralyq kórme­si sııaq­­ty  aıqyn belester kútip tur. Bul shejireli belesterdiń barlyǵy qazaqstandyq patrıo­tız­m­di jas urpaq jadyna sińirýde aı­ryqsha rólge ıe ekeni daýsyz. Osynaý tarıhı jetistikterge biz elimizdiń tatýlyǵy men bir­liginiń nátıjesinde kóterilip kelemiz. Osy el birligi men turaq­tylyqty odan ári saqtaý – «Nur Otannyń» eń basty mindeti bolyp qala bermek. «Jol muraty – jetý» ekenin babalarymyz áldeqashan túıip tastaǵan. Jarqyn keleshekti betke alyp, nurly jolǵa shyqqan Qazaq eliniń kósh kerýeni kólikti bolsyn! Kenjehan MATYJANOV, «Nur Otan» partııasy Almaty qalalyq fılıaly tóraǵasynyń birinshi orynbasary, Qazaqstannyń eńbek sińirgen qaıratkeri. Almaty.