Aqparattar aǵyny

*Agroónerkásiptik keshen sýbektilerin ınves­tı­sııa­lyq sýbsıdııalaý qaıta­dan qolǵa alyndy. Baǵ­darlama boıynsha elimiz­diń agroónerkásiptik keshe­nin­de jańa óndiristik qýat­tar qurýǵa jáne jumys istep turǵandaryn keńeıtýge baǵyt­talǵan shyǵyndardyń bir bó­ligi óteledi. Jobanyń operato­ry jáne ınvestorlardan óti­nim­der qabyldaýshy «Qazagro­mar­ketıng» AQ bolyp tabylady. *Qazaqstandyqtardyń ataýly aqshalaı tabysta­ry bir jylda 10,2 paıyzǵa ós­ti. Ulttyq ekonomıka mı­nıs­trligi statıstı­ka ko­mı­tetiniń málime­tinshe, 2014 jyldyń jeltoq­sanyn­daǵy esep boıynsha, bir qyz­met­kerdiń ortasha aılyq ataý­ly jalaqysy 154 577 teńge bol­ǵan. Bul – 2013 jyl­dyń esepti kezeńindegi kórset­kish­pen sa­lys­tyrǵanda 12,8 paıyzǵa artyq. *Elimizdiń júk aınalymy kólemi bir jylda 22 paıyzǵa ulǵaıdy. Statıstıkalyq derekterde kórsetilgendeı, júk tasymalynyń mólsheri 40,7 mlrd. tonna-shaqyrymdy quraǵan. *Astananyń bas jos­paryna túzetý engizildi. Qa­lanyń bas sáýletshisi Vı­talıı Sıleskııdiń aıtýynsha, elordanyń bas josparyn qaıta túzetý máselesi kólik, ınjenerlik jáne áleýmettik-mádenı ınfraqurylymdy qaıta qaraýdan jáne EKSPO-2017 halyqaralyq maman­dandyrylǵan kórmesi qar­sańynda jańa nysandardy salýdan týyndaǵan. *Shymkentte «Qaz­Trans­Gaz» AQ halyqqa qyzmet kórsetý ortalyǵyn ashty. Kompanııanyń baspasóz qyz­meti habarlaǵandaı, bul ma­man­dandyrylǵan ortalyq zamanaýı tehnologııalarmen jabdyqtalǵan. Búginde Ońtústik Qazaqstanda 270 myńnan astam abonent, 660 ónerkásiptik kásiporyn jáne 6 myńnan astam kommýnaldyq-turmystyq kásiporyn bar. *Qyzylorda oblysynda kásipkerlerge qoldaý kórsetý ortalyǵy paıdalanýǵa berildi. Syrdarııa aýdanynda «bir tereze» qaǵıdasy boıynsha kásipkerlerge qyzmet kór­setetin bul mekemedeká­sipkerler palatasynyń, «Qaz­agromarketıng» AQ-tyń, «Ká­sipkerlerdi qarjylaı qol­daý qory» AQ-tyń, «Qazaq­stannyń Halyq Banki» AQ-tyń jáne «Halyqqa qyzmet kórsetý ortalyǵy» memlekettik meke­mesiniń mamandary men konsýltanttary jumys isteıdi. *Tarazda iri kókónis qoı­masy paıda boldy. «Taraz» ÁKK UK» AQ-tyń ıeli­gindegi atalmysh nysannyń syıym­dylyǵy  – 5,8 myń ton­na. Jańa jobany júzege asyrýǵa shamamen 540 mln. teńge jumsalǵan. *Soltústik Qazaqstan ın­ves­torlary 663 mln. teńge sýbsıdııa alǵan. «Qaz­agromarketıng» AQ oblystyq fılıalynyń dırektory  Qanat Beısenov kórsetilgen qara­jattyń mal sharýashylyǵy men astyq qoımalaryn qurýǵa jumsalǵanyn málimdedi. *Shyǵys Qazaqstanda ardagerlerge arnalǵan saıt jasalyp jatyr. Oblys ákiminiń orynbasary Jaqsylyq Omar atap kórsetkendeı, onda ardagerlerdiń ómirbaıany, hattary, derekti fılmder men beınerolıkter ornalastyrylmaq. Qazirgi tańda óńirde 614 UOS qatysýshy men múgedegi jáne 27 918 tyl eńbekkeri turady. Habarlar Úkimet, oblystyq ákimdikter saıttary men «QazAqparat» agenttiginiń derekteri boıynsha daıyndaldy.