TARAZ. 13 aqpan. Osy aptada Jambyl oblystyq ishki ister departamentiniń Uıymdasqan qylmysqa qarsy kúres basqarmasy jáne Shý aýdandyq «Delta-Dolına» aımaqaralyq esirtki bıznesine qarsy kúres bóliminiń qyzmetkerleri jedel-aldyn alý is-sharalaryn júrgizdi. Bul týraly Jambyl oblystyq ishki ister departamentiniń baspasóz qyzmeti habarlady.
Shara barysynda Shý aýdany aýmaǵynyń tas jolynda J.esimdi azamattyń basqarýyndaǵy «Mazda-626» markaly avtokóligin tekserý barysynda 101 kılo 880 gramm keptirilgen marıhýana tárkilendi. Tekserý barysynda 1976 jyly týǵan J.esimdi kúdiktiniń buryn sotty bolmaǵany jáne osy aýdannyń jergilikti turǵyny ekendigi anyqtaldy.
Ol Shý aýdandyq ishki ister bóliminiń ýaqytsha ustaý ızolıatoryna qamaqqa alyndy. Qazirgi tańda Qylmystyq kodekstiń 297-baby 3-bólimi 3-tarmaǵy boıynsha qylmystyq is qozǵalyp, tergeý jumystary júrgizilýde.
Oralhan Dáýit.
Derek, sýret: egemen.kz.