QOSTANAI. 13 aqpan. Qarabalyq aýdanynyń ortalyǵyndaǵy órt shyqqan úıden eki adam zardap shegip, bireýi qaza tapty. Bul týraly egemen.kz tilshisi habarlady.
О́rtengen úıde bolǵan bir er kisi men bir áıel qatty zardap shekken. 1958 jyly týǵan áıel aýdandyq aýrýhananyń jan saqtaý bólimine aparǵanda qaıtys bolǵan. Al 1953 jyly týǵan er kisi ýly gazǵa ýlanyp qalǵan. Ol da aýdandyq aýrýhananyń jan saqtaý bólimine jetkizildi. О́rt asa úlken kólemdi almaǵan, 4 sharshy metrge jetken otty órt sóndirýshiler 40 mınýttyń ishinde sóndirip aldy.
Qysqy aıazdyń beti qaıtyp, kún jylyna bastaǵanda oblys óńirinde peshten shyqqan órtten, kómirden shyǵatyn ýly gazǵa ýlanyp qalý oqıǵalary jıi tirkeledi. Sońǵy aptanyń ózinde osymen ekinshi ret aýyldy jerde úı órtendi. Mamandar osyndaı qaıǵyly oqıǵanyń kópshiligine otty durys jaqpaıtyn, peshtiń qaýipsizdigin oılamaıtyn, durys paıdalanbaıtyn turǵyndardyń ózderi kináli ekenin aıtyp otyr.
Názıra Járimbetova.
Derek, sýret: egemen.kz.