Taldyqorǵanda Sherzat Bolattyń ólimine qatysty is boıynsha sot otyrysy jalǵasyp jatyr. Sot barysynda kúdikti retinde tanylǵan Abzal Shynasyldan jaýap alyndy, dep habarlaıdy Egemen.kz.
Sotta marqumnyń anasy Gúlbara Bıshembıeva ulynyń beti men denesinde aýyr jaraqattar bolǵanyn aıtqan. Jábirlenýshi taraptyń advokaty Meıirman Shekeev sottalýshyǵa marqumnyń denesindegi jaraqattarǵa qatysty suraq qoıǵan.
Alaıda kúdikti Abzal Shynasyl marqum Sherzat Polatqa qol kótermegenin aıtyp, qysqasha jaýap qatqan.
Aıta keteıik, is Jetisý oblysynyń mamandandyrylǵan aýdanaralyq qylmystyq ister jónindegi sotynda qaralyp jatyr. Aıyptalýshylar 9 adam, olardyń biri kámeletke tolmaǵan. Buǵan deıin olar óz kinálaryn moıyndamaǵan. Olarǵa «Adam óltirý», «Qylmysqa daıyndalý jáne oqtalý», «Qarý qoldaný arqyly buzaqylyq jasaý», «Buzaqylyq» jáne «Urlyq» baby boıynsha aıyp taǵylǵan.