PAVLODAR. 13 aqpan. Pavlodar oblysy kásiporyndarynyń eńbek jaǵdaıyn jaqsartýǵa oraı jumys toby quryldy. Bul týraly egemen.kz tilshisi habarlady.
Oblystyq ındýstrıaldy-ınnovasııalyq damý basqarmasynyń málimetinshe, jumys tobynyń quramynda Aqsý, Ekibastuz, Pavlodar qalalarynyń ákimdigi, basqarmalar men departamentter basshylary bar. Maqsaty – óndiris oryndarynyń jumysyn toqtatpaý, jumys oryndaryn saqtaý.
Alǵashqy otyrysta oblystaǵy jeti kásiporyn basshylarynyń buıymtaılary tyńdaldy. Mysaly, «Maıqaıyńaltyn» AQ-tyń bas dırektory Igor Bogachev ken óndirisiniń kólemi 387 895 tonna, al óńdelgen rýdanyń kólemi 397 176,7 tonna bolǵanyn jetkizdi. Bıyl ken óndirisiniń kórsetkishin 229 000 tonnaǵa jetkizý josparlanýda. I. Bogachev Ekibastuz-Maıqaıyń sý qubyryn iske qosý qajettigin aıtty.
Al Ekibastuzdyń Tórtqudyq altyn fabrıkasynyń menshik ıesi bolyp tabylatyn «Algold» JShS-na №2 elektr stansasy jelisi men sý qubyryn salý boıynsha kómek kórsetiledi. О́ndiris bıyl iske qosylmaq. Sonymen birge, «Pavlodar qubyr-prokat zaýyty» JShS-na shıkizatty «Arselor Mıttal Temirtaý» AQ-tan satyp alýǵa qoldaý jasalady. Al «Tehnologııalyq lınııalar» JShS-na elektr energııasy qýattylyǵynyń joqtyǵyna qatysty jáne «Bıznestiń jol kartasy-2020» baǵdarlamasy sheńberinde kómek kórsetiledi. Budan basqa taǵy da tórt óndiriske qoldaý jasaý otandyq taýar óndirýshiler eńbek etip júrgen jumys oryndaryn saqtap qalýǵa múmkindik beredi.
Farıda Byqaı.
Derek, sýret: egemen.kz.