Áńgimelesý barysynda zııatkerlik menshik salasyndaǵy Qazaqstannyń áleýetin arttyrýǵa, ekojúıeni nyǵaıtýǵa jáne ornyqty bilim ekonomıkasyn qurýǵa baǵyttalǵan birlesken bastamalar talqylandy, dep jazady Egemen.kz Aqordanyń baspasóz qyzmetine silteme jasap.
Qasym-Jomart Toqaev bolashaqqa baǵdarlanǵan ıntellektýaldy menshiktiń berik negizin qalaýda Uıym elimizdiń eń basty seriktesi ekenin atap ótti.
Qazirgi kezde zııatkerlik menshik quramdas bóligi bar Ulttyq ınnovasııalyq strategııany ázirleý jobasy iske qosyldy. Bul ǵylymı zertteýlerdi yntalandyrýǵa, ozyq tehnologııalardy damytýǵa jáne jaǵymdy ınnovasııalyq orta qalyptastyrýǵa baǵyttalǵan. Sondaı-aq Qazaqstan Uıymmen birlese otyryp, Tehnologııa men ınnovasııany qoldaý ortalyǵy jobasyn júzege asyrady.
Dúnıejúzilik zııatkerlik menshik uıymynyń bas dırektory Daren Tang elimizde qabyldanǵan sharalardyń naqty nátıje berip jatqanyn aıtty. Byltyr Qazaqstan Jahandyq ınnovasııalyq reıtıngtegi ornyn jaqsartqan bolatyn.