QR Premer-mınıstri Oljas Bektenov Túrki memleketteri uıymynyń (TMU) Bas hatshysy Kýbanychbek О́miralıevpen kezdesý ótkizdi. Taraptar Astana halyqaralyq forýmyna qatysý aıasynda ótken bul kezdesýde birqatar ózekti máselelerdi talqylady, dep habarlaıdy Egemen.kz.
Kezdesý barysynda joǵary deńgeıde qol jetkizilgen ýaǵdalastyqtardy iske asyrý tetikteri, sondaı-aq TMU aıasynda múshe memleketter arasyndaǵy yntymaqtastyqty keńeıtý joldary qarastyrylǵan. Áleýmettik saıasat, ekologııa, ónerkásip, ǵylym men ınnovasııalar salalarynda ózara is-qımyldyń jańa formattary qurylyp jatqany atap ótildi.
Premer-mınıstr saýda-ekonomıkalyq baılanystardy jandandyrýdyń mańyzdylyǵyna nazar aýdardy. 2024 jyly Qazaqstan men TMU elderi arasyndaǵy taýar aınalymy $11,4 mlrd-qa jetkenimen, bul kórsetkishtiń artynda áli de úlken áleýet bar ekenin atap ótti. Osyǵan baılanysty Qazaqstan Respýblıkasynyń Prezıdenti Qasym-Jomart Toqaev saýda qatynastaryn odan ári damytýǵa baǵyttalǵan jeke qujat ázirleýge bastamashy boldy.
Kezdesýde gýmanıtarlyq salalardaǵy bastamalar da nazardan tys qalmady. Aqtaý qalasy túrki áleminiń mádenı astanasy retinde jarııalansa, maýsym aıynan bastap Almaty TMU-nyń jastar astanasy bolmaq. Túrki mádenıeti men tarıhı murasyn dáripteýge baǵyttalǵan túrli is-sharalar uıymdastyrylady.
Kezdesý sońynda taraptar ózara tıimdi yntymaqtastyqty odan ári nyǵaıtýǵa nıetti ekenderin rastady.