Ulytaý oblysy Ulytaý aýdanyndaǵy №1 tirek mektebi oqýshylarynyń «TAU» komandasy «Ekotazartqysh» atty startap-jobasyn jasady.
Bul qalqymaly qoqys jobasy – qorshaǵan ortaǵa paıdasyn tıgizedi. Ásirese sý betinde jınalyp qalǵan qoqystardy tazartady. Qurylǵynyń prototıpi sý aıdyndaryn tazartý jáne ekologııalyq jaǵdaıdy jaqsartý boıynsha úlken jobaǵa negiz bola alady.
Startap joba «Qazaqmys korporasııasy» JShS jáne «The Ulytau educational foundation» qoǵamdyq qory uıymdastyrǵan «Týǵan jerge qamqorlyq» atty baıqaýda júldeli oryn alyp, 1 500 000 teńge syıaqy aldy.
Sondaı-aq «TAU» komandasy «ekotazartqysh» jobasyn oblys kóleminde qorǵap, Astana qalasynda ótken «Smart city» ınnovasııalyq jobalar baıqaýynda sertıfıkatqa ıe bolsa, respýblıkalyq «Steam local change» baıqaýynda jeńimpaz atanyp, arnaıy grantqa qol jetkizdi.
Sonymen qatar balalardy ǵylymǵa baýlyǵan muǵalimderdiń eńbegi de respýblıka deńgeıinde nasıhattalyp otyr. Qazir jobaǵa avtorlyq patent alý jumysy júzege asyp, joba jetekshisi Marjan Ahanova Y.Altynsarın atyndaǵy Ulttyq bilim akademııasy usynǵan «Aýyl mektepteri pedagogteriniń ozyq tájirıbelerin taratý boıynsha ádistemelik usynymdar» ádistemelik jınaǵyna endi.
Jaqynda Ulytaý oblysy bilim basqarmasynyń daryndy balalardy anyqtaý jáne qoldaý jónindegi «Ulytaý daryny» ortalyǵynyń uıymdastyrýymen №8 gımnazııada jalpy bilim beretin pánder boıynsha 8-11 synyp oqýshylarynyń respýblıkalyq ǵylymı jobalar baıqaýy ótti. Osy baıqaýdyń ekinshi kezeńiniń qorytyndy nátıjesinde Ulytaý aýdanyndaǵy №1 tirek mektebiniń oqýshysy Aıda Erkeǵulova «Ekonomıkalyq jáne áleýmettik úrdisterdi matematıkalyq modeldeý» baǵyty boıynsha «Ekotazartýshy» taqyrybynda jobasyn qorǵap, júldeli oryn ıelendi.
Ulytaý oblysy