Atbasar temir jol stansııasynyń bastyǵy para aldy degen kúdikpen ustalǵan. Bul aqparatty UQK rastady, dep habarlaıdy Egemen.kz.
«Atalǵan tulǵaǵa qatysty QR Qylmystyq kodeksiniń 366-baby («Para alý») boıynsha sotqa deıingi tergep-tekserý amaldary júrgizilip jatyr. Qylmystyq-prosestik kodekstiń 201-baby 1-bóligine sáıkes, ózge málimetter jarııa etýge jatpaıdy», delingen habarlamada.
Buǵan deıin keıbir buqaralyq aqparat quraldarynda sheneýniktiń stansııadaǵy kirme jolǵa ıelik etetin jekemenshik kompanııa basshysynan 6 mıllıon teńge kóleminde para alyp jatqan jerinde ustalǵany týraly aqparat taraǵan bolatyn. Sonymen qatar, ol eshqaıda ketpeý týraly qolhatpen bosatylǵany aıtylǵan. Alaıda bul málimetter rastalmaǵan.