Tájikstannyń Dýshanbe qalasynda ótken keńes otyrysynda saýda-ekonomıkalyq yntymaqtastyqty damytý, aýyr jáne jeńil ónerkásip salasyndaǵy ózara is-qımyl, avıasııalyq qatynas máseleleri qaraldy, dep jazady Egemen.kz.
Jıynǵa TMD-ǵa múshe elderdiń Úkimet basshylary men TMD Bas hatshysy Sergeı Lebedev qatysty.
Keńes jumysy aıasynda Tájikstan Prezıdenti Emomalı Rahmon delegasııa basshylarymen ujymdyq kezdesý ótkizdi.
Úkimet basshylary keńesiniń otyrysynda Oljas Bektenov Qazaqstannyń uıymdy odan ári damytýǵa ári onyń áleýetin nyǵaıtýǵa járdemdesýge nıetti ekenin atap ótti.
«Yntymaqtastyqtyń qalyptasqan tetikteriniń, elder kóshbasshylarynyń saıası erik-jigeri men úkimetteriniń kúsh-jigeri nátıjesinde TMD keńistiginde ornyqty damý men dáıekti ekonomıkalyq ósý qamtamasyz etilýde. Buǵan ótken jyldyń qorytyndysy boıynsha TMD elderiniń jalpy JIО́ kóleminiń 4,5%-ǵa artýy dálel. О́zara saýda-sattyq turaqty ósýde. О́tken jyly Qazaqstannyń TMD elderimen taýar aınalymy 1,2%-ǵa ósip, $37,3 mlrd-qa jetti. Bul kórsetkishter ekonomıkalyq baılanystardyń turaqtylyǵyn ǵana emes, sonymen qatar bizdiń ekonomıkalarymyz arasyndaǵy ózara tolyqtyrýdyń joǵary deńgeıin kórsetedi», dedi Oljas Bektenov. Yntymaqtastyqty odan ári nyǵaıtý maqsatynda Qazaqstan Premer-mınıstri ekonomıkanyń keleshegi zor salalarynda birqatar bastama kóterdi.
Jıynda elektrondy saýda salasyndaǵy ózara is-qımylǵa nazar aýdaryldy. Qazaqstanda ótken jyly e-commerce kólemi $6,2 mlrd-ty qurady. TMD-da elektrondy saýda áleýetin tolyqqandy iske asyrý úshin ınfraqurylymdyq bazany damytý, bıznesti qoldaý, tutyný quqyqtaryn qorǵaý tetikterin jetildirý jáne taǵy basqa boıynsha sharalar túrindegi keshendi tásildiń qajettigi atap ótildi. Bul sheteldik seriktestermen ekonomıkalyq yntymaqtastyqty nyǵaıtady jáne bıznes úshin jańa múmkindikterge jol ashady. Kólik-tranzıttik ınfraqurylym salasyndaǵy yntymaqtastyq sheńberinde Qazaqstan aýmaǵynda iske asyrylatyn asa mańyzdy jobalar atap ótildi. Bul 2027 jylǵa qaraı dálizdiń ótkizý qabiletin eki esege arttyrýǵa, Transkaspıı halyqaralyq kólik baǵyty negizgi býyny retinde Transqazaqstandyq temirjol dálizin keńeıtýge, Astanany elimizdiń batys óńirlerimen jáne halyqaralyq baǵyttarmen baılanystyratyn «Ortalyq – Batys» kúre jolyn salýǵa baǵyttalǵan «Soltústik – Ońtústik» shyǵys baǵytyn damytý jónindegi keshendi jol kartasy. Atalǵan jobalar Qazaqstan Prezıdentiniń TMD-ǵa múshe memleketterdiń aýmaǵy arqyly ótetin kúre joldardy ózara ushtastyrý tujyrymdamasyn qalyptastyrý jónindegi bastamasyn iske asyrýda mańyzdy elementter sanalady. Elderdiń básekege qabilettiligin anyqtaıtyn strategııalyq sala - aýyr mashına jasaý. Qazaqstannyń TMD elderiniń seriktesterimen yntymaqtastyǵyn damytý keleshegi atap ótildi. Jeńil ónerkásip salasynda kooperasııany tereńdetý, birlesken óndiristik jobalar men klasterlerdi qoldaý mańyzdy.