Aqyn turǵan úıge taqta ornatyldy

Saltanatty rásimge Parlament Máji­lisi men Astana qalasy máslıhatynyń depý­tat­tary, belgili qalam­gerler Tólen Ábdik, Serik Turǵynbekuly, О́ris Iаshúkirqyzy, Kamal Álpe­ıi­sova, aqynnyń otbasy men shákirtteri qatysty.

Alqaly jıyndy ashqan Jazýshylar odaǵy Astana fı­lıa­lynyń basshysy Baýyr­jan Babajanuly Qonysbaı Ábil qazaq ádebıetiniń qazy­nasyn, onyń ishinde aıtys ónerin barynsha baıytyp ketkenin, sondaı-aq Astanada ult mádenıetiniń damýyna qosqan úlesiniń ólsheýsiz ekenin atap ótti.

«Qonysbaı Ábildiń uıym­dastyrýymen Astana qalasynda respýblıkalyq deńgeıde 10 ret aqyndar aıty­sy ótkizildi. Jas urpaq­ty halyq ertegileri keıipkerleri rýhynda tár­bıeleý maqsatynda «Tazsha bala» baıqaýy qolǵa alynyp, el ishindegi kóptegen talanttyń tanylýyna jol ashyldy», dedi Baýyrjan Babajanuly.

Sondaı-aq Memlekettik syılyqtyń laýreaty, jazýshy Tólen Ábdik búgingi is-shara elordanyń rýhanı ále­mi men qazaq qoǵamyndaǵy úlken oqıǵa ekenin aıtty. Ult rýhanııatyn bıikke kótergen birtýar azamattyń kisilik kel­beti men tulǵalyq qasıetine toqtaldy.

Parlament Májilisiniń depýtaty, aıtysker aqyn Amanjol Áltaev, Astana qalasy máslıhatynyń depýtaty Qanat Estek sóz sóılep, estelik aıtty. Aqynnyń týystary atynan sóz alǵan Aqtorta Iskendirqyzy Astana qa­lasy ákimdigine, qalalyq Tilderdi damytý jáne arhıv isi bas­qarmasyna alǵysyn jetkizdi.

Eskertkish-taqtany jazýshy Tólen Ábdik pen aqynnyń apasy Aqtorta Iskendirqyzy ashty.

Aıta keteıik, Qonysbaı Ábil elordada Tilderdi damytý basqarmasyn ashyp, ana tilimizdi órkendetý ba­ǵytynda bel sheshe eńbek etti. Sol kezdegi Astana qa­lasy ákiminiń orynbasary Tólegen Muhamedjanovtyń basshylyǵymen basqarma janynan «Rýhanııat» memle­kettik tildi jedeldetip oqytý ortalyǵy ashylyp, onda ózge ult ókilderi arnaıy daıar­lyqtan ótti. Sol sekildi Naý­ryz meıramyn halyqtyq mereke retinde toılaý, Til fes­tıvalin qalyptastyrý, Abaı eskertkishi janynda «Poezııa saǵatyn» uıym­das­­tyrý, elordada turatyn qa­lamgerlermen kezdesýler ótkizý dástúrge aınaldy.

Osy eskertkish-taqtanyń elorda tórinde ashylýy halyq aqynyna arnalǵan ıgi isterdiń bastaýy bolary anyq.