Jer betinde 13 maýsymǵa qaraǵan túni magnıttik daýyl bastaldy. Bul týraly Reseı Ǵylym akademııasynyń Ǵaryshtyq zertteýler ınstıtýtyna qarasty Kún astronomııasy zerthanasy málimdedi, dep habarlaıdy Egemen.kz.
Ǵalymdardyń aıtýynsha, geomagnıttik belsendilik túngi saǵat 00:00-de bastalyp, tańǵa deıin jalǵasqan. Daýyldyń qýaty G2.3 deńgeıine jetip, ortasha deńgeıden joǵary bolyp tirkelgen. Bul energetıkalyq júıeler men radıobaılanysqa keri áserin tıgizýi múmkin.
Magnıttik qubylystyń naqty sebebi ázirge anyqtalmaǵan. Degenmen zertteýshiler Kún plazmasynyń tyǵyzdyǵy artqanyn jáne magnıt órisiniń aıtarlyqtaı kúsheıgenin baıqaǵan. Alaıda kún jeliniń jyldamdyǵy áli de turaqty kúıde qalyp otyr. Bul geomagnıttik oqıǵa aldyn ala boljanbaǵan jáne tosynnan bastalǵan.
Mamandardyń boljamynsha, 14 maýsymǵa qaraǵan túni Kúnniń ońtústik jartysharynda ornalasqan koronaldyq tesikten shyqqan joǵary jyldamdyqty kún jeliniń Jerge jetýi yqtımal. Bul Jerdegi magnıt órisiniń turaqsyzdanýyn odan ári kúsheıtýi múmkin.
Ǵalymdar aldaǵy 2–3 kúnde Jer turaqsyz geomagnıttik kezeńge ótedi dep eskertedi. Osyǵan baılanysty radıobaılanys, navıgasııalyq júıeler jáne meteosezimtal adamdar úshin belgili bir qıyndyqtar týyndaýy múmkin.