QYZYLORDA. 6 mamyr. Uly Jeńistiń 70 jyldyǵy merekesi qarsańynda Qyzylorda oblysynyń kásipkerler palatasy «Erlikke taǵzym» áleýmettik jobasy aıasynda ardagerlerge erekshe merekelik tartý jasady. Bul týraly egemen.kz tilshisi habarlady.
Atap aıtqanda, Qyzylorda qalasyndaǵy 41 ardagerge arnaıy tapsyryspen ózderiniń sýretteri beınelengen portretter jasalyp, syıǵa berildi.
Mundaı qurmetke rızashylyqtaryn bildirgen ardagerler, beıbit ómirdiń qadirin bilýge shaqyrdy.
Búginde Qyzylordada 90-ǵa jýyq kózi tiri Uly Otan soǵysynyń ardageri bar. Jeńis kúni qarsańynda qyzylordalyq kásipkerler ardagerlerge qurmet kórsetýde.
Osy ýaqytqa deıin qala kásipkerleri 12 ardagerge barlyǵy 1 mıllıon teńgeden astam qarjylaı kómek kórsetip, 10-ǵa jýyq ardagerge turmystyq tehnıka, úı-jıhazdaryn alyp berdi.
Aıta ketý kerek, «Atameken» Ulttyq kásipkerler palatasy búginde «Erlikke taǵzym» áleýmettik jobasyn júzege asyrýda. Jobanyń basty maqsaty – elimizdegi ardagerlerge áleýmettik jáne materıaldyq turǵydan kómek kórsetý. Shara respýblıka kóleminde ótkizilmek.
Erjan Baıtiles.
Derek, sýret: egemen.kz.