Áleýmettik jelilerde taraǵan beınejazbada Turan dańǵylynyń boıynda eki er adamnyń joldyń júrgin bóliginde sózge kelip, qoǵamdyq tártipti óreskel buzyp, ózge jol qozǵalysyna qatysýshylardyń qaýipsizdigine nuqsan keltirgeni baıqalǵan, dep jazady Egemen.kz.
Astana qalasynyń Polısııa departamenti atalǵan derek boıynsha tekserý júrgizip, quqyq buzýshylardy anyqtady. Qalalyq mamandandyrylǵan aýdanaralyq ákimshilik sottyń sheshimimen olar Ákimshilik quqyq buzýshylyq týraly kodekstiń 434-baby («Usaq buzaqylyq») boıynsha kináli dep tanylyp, 5 táýlikke ákimshilik qamaýǵa alyndy.
Polısııa departamenti azamattardy jol qozǵalysy erejelerin qatań saqtaýǵa, bir-birine qurmetpen qaraýǵa shaqyrady. Quqyq qorǵaý organdary qoǵamdyq tártipti buzýǵa baǵyttalǵan kez kelgen áreketti zań aıasynda qatań toqtatatynyn eskertedi.