QR Premer-mınıstri Oljas Bektenov pen belgııalyq Sarens kompanııalar toby dırektorlar keńesiniń tóraǵasy Lıýdo Sarens el aýmaǵyndaǵy iri ınfraqurylymdyq jobany talqylady. Kezdesý barysynda «Nur joly» ótkizý beketiniń aınalma jolyn salý josparlary men mashına jasaý salasyndaǵy yntymaqtastyq perspektıvalary qarastyryldy, dep habarlaıdy Egemen.kz.
Joba shekara mańy ınfraqurylymynyń ótkizý qabiletin edáýir arttyryp, kólik aǵyndaryna túsetin júktemeni azaıtýǵa baǵyttalǵan. Salmaǵy 100 tonnadan asatyn iri gabarıtti júkterdi ótkizýge arnalǵan uzyndyǵy 3,2 shaqyrym, eni 12 metr bolatyn aınalma jol, sondaı-aq aýdany 81,6 gektardy quraıtyn avtoturaqtar keshenin salý josparlanǵan. Sonymen qatar, qosymsha avtojol kópiri men qajetti ınfraqurylym qurylysyn júrgizý josparlanǵan.
Atalǵan nysandar kompanııanyń jeke ınvestısııasy esebinen salynady. Jobanyń jalpy quny shamamen 50 mıllıon AQSh dollaryn quraıdy.
Premer-mınıstr Oljas Bektenov bul bastamanyń Memleket basshysynyń tapsyrmalaryna saı elimizdiń kólik-logıstıka, saýda jáne tranzıttik áleýetin damytýǵa zor úles qosatynyn atap ótti. Sarens kompanııasynyń tájirıbesi men tehnologııalyq múmkindikterin eskere otyryp, taraptar mashına jasaý salasynda óndiristi lokalızasııalaý baǵytynda da yntymaqtastyqty tereńdetýge múddeli ekenin bildirdi.
Kezdesý sońynda taraptar jobaǵa qatysty ózara qyzyǵýshylyqtaryn rastap, aldaǵy ýaqytta áriptestikti keńeıtýge daıyn ekenderin málimdedi. Premer-mınıstr jaýapty memlekettik organdarǵa jobany ýaqtyly ári tıimdi júzege asyrý úshin qoldaý kórsetýdi tapsyrdy.