Memleket basshysy «Qazaqstan Respýblıkasynyń aýmaqtyq qorǵanysy týraly» Qazaqstan Respýblıkasynyń Zańyna qol qoıdy, dep habarlaıdy Egemen.kz Aqordanyń baspasóz qyzmetine silteme jasap.
Zań Qazaqstan Respýblıkasynyń aýmaqtyq qorǵanysy salasyndaǵy memlekettik saıasatynyń uıymdyq-quqyqtyq negizin qalyptastyrady jáne qoǵamdyq qatynastardy quqyqtyq retteýdi qamtamasyz etedi.
Budan bólek, Zań aýmaqtyq qorǵanysty materıaldyq turǵydan qamtamasyz etý máselelerin retteıdi. Qorǵanys mınıstrligine tıisti fýnksııalar bere otyryp, atalǵan salaǵa memlekettik baqylaý engizildi.
Qujat aýmaqtyq qorǵanystyń tıimdi júıesin qalyptastyrýǵa jáne tótenshe jaǵdaılar kezinde halyqtyń qaýipsizdigin qamtamasyz etýge baǵyttalǵan. Tıisti sharalardy uıymdastyrýǵa jáne jetkilikti deńgeıde qarjylandyrýǵa baılanysty biryńǵaı tásilderdiń qaǵıdattary aıqyndaldy.
Qazaqstanda aýmaqtyq qorǵanys kúshteri COVID-19 pandemııasy kezinde, sondaı-aq 2020 jyly Sardoba sý qoımasyndaǵy jarylys saldaryn joıýǵa, 2022 jyly Qostanaı oblysyndaǵy orman órtin sóndirýge, 2024 jyly elimizdiń soltústik-batys óńirlerinde bolǵan sý tasqynyn eńserýge jumyldyryldy.
Zań mátini baspasózde jarııalanady.
Sondaı-aq habarlamada: «Memleket basshysy «Qazaqstan Respýblıkasynyń keıbir zańnamalyq aktilerine aýmaqtyq qorǵanys máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańyna qol qoıdy», delingen.