Oqıǵa Almaty oblysyna qarasty Jalpaqsaı aýylyndaǵy fýtbol alańyndardyń birinde bolǵan, dep habarlaıdy Egemen.kz.
Turǵyndardyń aıtýynsha, balalar fýtbol oınap júrgen kezde alańǵa birneshe ıt kirip ketken.
Oblystyq polısııa departamenti kámeletke tolmaǵan balanyń densaýlyǵyna abaısyzda aýyr zııan keltirý faktisi boıynsha polısııa qylmystyq is tirkep, sotqa deıingi tergeý amaldaryn júrgizip jatqanyn habarlady.
Almaty oblystyq Densaýlyq saqtaý basqarmasynyń málimetinshe, 2014 jyly týǵan bala 30 maýsym kúni saǵat 17:02-de Qarasaı aýdandyq aýrýhanasynyń qabyldaý bólimine jetkizilgen. Aldymen reanımasııaǵa jatqyzylyp, keıin travmatologııa bólimine aýystyrylǵan.
«Búgin, 1 shildedegi jaǵdaı boıynsha balanyń jalpy jaǵdaıy – alǵan jaraqattaryna baılanysty ortasha aýyr. Qazirgi tańda hattamalarǵa sáıkes em qabyldap jatyr», delingen basqarma habarlamasynda.