Búgin, 3 shildede doktorantýraǵa túsý emtıhanyna (DTE) qatysý úshin ótinish qabyldaý bastaldy. Bul jóninde QR Ǵylym jáne joǵary bilim mınıstrliginiń Ulttyq testileý ortalyǵy málimdedi. О́tinishter 3 tamyzǵa deıin qabyldanady, al emtıhan 4–20 tamyz aralyǵynda ótedi, dep habarlaıdy Egemen.kz.
Vedomstvonyń habarlaýynsha, tirkelý http://app.testcenter.kz/ saıtynda júrgiziledi. Talapkerler tek bir joǵary oqý ornyn jáne bir bilim berý baǵdarlamalary tobynyń baǵytyn tańdaı alady. Eger ótinishke ózgerister engizý qajet bolsa, ony ótinishterdi qabyldaý kezeńi aıaqtalǵanǵa deıin óńdeýge nemese joıýǵa múmkindik bar.
Emtıhan ýaqyty men orny týraly aqparat talapkerdiń jeke kabınetinde 9 tamyzda qoljetimdi bolady.
Doktorantýraǵa túsý emtıhany úsh negizgi kezeńnen turady:
Áńgimelesý – 30 ball; Esse jazý – 20 ball; Beıini boıynsha testileý – 50 ball.Jalpy 100 baldyq shkala boıynsha keminde 75 ball jınaǵandar ǵana memlekettik bilim berý tapsyrysy boıynsha konkýrsqa jáne aqyly negizde oqýǵa qatysýǵa múmkindik alady.
«Doktorantýraǵa túsý úshin QAZTEST júıesi boıynsha memlekettik tildi meńgergenin rastaıtyn sertıfıkat jáne shet tilin meńgergenin rastaıtyn sertıfıkat usyný qajet. TOEFL ITP sertıfıkaty bar tulǵalar DTE bastalǵanǵa deıin aǵylshyn tilin bilýge arnalǵan qosymsha testileýdi tapsyrady. Atap ótsek, 2024 jyly shet tilin meńgergenin rastaıtyn sertıfıkattardyń shekti deńgeıleri B1-ge deıin tómendetildi jáne tizimge TOEIC jáne Duolingo English Test sertıfıkattary engizildi», dep habarlady mınıstrliktiń baspasóz qyzmeti.
Sonymen qatar, bıyldan bastap beıini boıynsha doktorlar baǵdarlamasy aıasynda doktorantýraǵa túsý múmkindigi qarastyrylǵan. Bul baǵdarlama shet tilin meńgerý sertıfıkatyn talap etpeıdi jáne emtıhan barysynda esse jazý qarastyrylmaǵan.
Baǵalaý júıesi:
Áńgimelesý – 25 ball; Usynys hat (bolǵan jaǵdaıda) – 5 ball; Beıindik emtıhan – 50 ball. Jalpy ball – 80, al shekti ball – 50 ball.