Halyqaralyq forýmynyń ashylý rásimi Qyzylordadaǵy «О́ner ortalyǵynda» ótti, dep habarlaıdy Egemen.kz.
Ekologııa jáne tabıǵı resýrstar mınıstri Erlan Nysanbaev, Syrtqy ister mınıstriniń birinshi orynbasary Aqan Rahmetýllın, О́nerkásip jáne qurylys mınıstrligi ókilderi, Parlament Senaty men Májilisiniń depýtattary, Qazaqstandaǵy Birikken Ulttar Uıymynyń turaqty úılestirýshisi Sarango Radnaragcha, Birikken Ulttar Uıymynyń UN-Habitat Uıymy, Birikken Ulttar Uıymynyń Qazaqstandaǵy ókilderi, elimizdiń barlyq óńirinen kelgen oblys ákiminiń orynbasarlary, basqarma basshylary qatysqan forýmda oblys ákimi Nurlybek Nálibaev aımaqta atqarylǵan aýqymdy jumystardy atap ótti.
Búginde qalalardy turaqty damytýda ekologııalyq tepe-teńdikti saqtap, turǵyndardyń ómir súrý sapasyn arttyrý basty mindetterdiń birine aınalǵany daýsyz. Az jylda turǵyndar sany ósken Qyzylorda qarqyndy ýrbanızasııa jolyna túsken, óz deńgeıinde qalalyq ınfraqurylym men ómir súrý sapasyn arttyrý, ekonomıkany ártaraptandyrý baǵytynda naqty qadam jasaǵan qala. О́ńir turǵyndarynyń shamamen 50%-ǵa jýyǵy oblys ortalyǵynda turady.
«Qazir oblys bıýdjeti 750 mlrd teńgeden asty. Bul qarajat aımaqtaǵy eń ózekti degen máselelerdi sheshýge, turǵyndardyń ómir súrý sapasyn jaqsartýǵa, aýqymdy ınfraqurylymdyq jobalardy iske asyrýǵa baǵyttalady. Búgingi forým – qalalardy turǵyndarǵa qolaıly, klımatqa tózimdi, ınklıýzıvti ortalyqtarǵa aınaldyrý jolyndaǵy birlesken bastamalarymyzdy nyǵaıtatyn alań. Biz úshin forým – tek talqylaý emes, naqty áriptestikke bastaıtyn jol. Osy jumystardy odan ári jetildirýge serpin berip, qalalardyń bolashaǵyn qalyptastyrý jolyndaǵy ortaq maqsattarǵa jetýde mańyzdy qadamdar jasaýǵa yqpal etedi dep senemiz», dedi oblys ákimi.
Forýmda Ekologııa jáne tabıǵı resýrstar mınıstri Erlan Nysanbaev, Syrtqy ister mınıstriniń birinshi orynbasary Aqan Rahmetýllın, Qazaqstandaǵy Birikken Ulttar Uıymynyń Turaqty úılestirýshisi Sarango Radnaragcha, UN-Habitat uıymy atqarýshy dırektorynyń orynbasary Rafael Týts, BUU DB Qazaqstandaǵy turaqty ókiliniń orynbasary Sýhrob Hodjımıtov sóz sóıledi.
UN-Habitat atqarýshy dırektory Anaklaýdııa Rossbahtyń beınehabarlamasy kórsetildi.