Aýylsharýashylyǵy mashınasyn qurastyrý sala qurylymynyń shamamen 6% quraıdy. Saladaǵy san men sapany arttyrý máselesi 6 shildede vıse-premer – ulttyq ekonomıka mınıstri Serik Jumanǵarınniń tóraǵalyǵymen ótken Ekonomıkalyq ósýdi qamtamasyz etý jónindegi shtab otyrysynda talqylandy, dep jazady Egemen.kz.
Búginde Qazaqstanda ózdiginen júretin aýyl sharýashylyǵy tehnıkasyn 10 iri kásiporyn óndiredi. Qoldanystaǵy jeńildetilgen lızıng baǵdarlamasynyń arqasynda otandyq óndirýshiler traktor men kombaın boıynsha ishki naryq qajettiliginiń 90%-yn qamtamasyz etip otyr.О́tken jyly fındik SAMPO, qytaılyq ZOOMLION jáne amerıkandyq John Deere kompanııalary Qazaqstan naryǵyna kirgen. Úkimet baspasóz qyzmetiniń málimetinshe, qazir jańa qatysýshylardyń da belsendiligin arttyrý jumystary kúsheıtilip jatyr.Birinshi jartyjyldyqtyń qorytyndysyna toqtalsaq, Qazaqstanda 4 myńǵa jýyq traktor (+39,3%) men 441 astyq jınaıtyn kombaın (+64,6%) qurastyrylǵan. Jyl sońyna deıin 10 myńnan astam aýyl sharýashylyǵy tehnıkasyn shyǵarýdy kózdelgen. Bul ótken jylǵy kórsetkishten 27%-ǵa joǵary.Jıynda vıse-premer Serik Jumanǵarın óńdeý ónerkásibiniń negizgi sektorynyń biri jáne eldiń tehnologııalyq damýynyń mańyzdy draıveri retinde mashına jasaýdyń turaqty ósý qarqynyn saqtaýǵa baǵyttalǵan barlyq qajetti shara keshenin qamtamasyz etýdi tapsyrdy.