2025 jylǵa arnalǵan Qazaqstan Respýblıkasy Prezıdentiniń stıpendııalaryn bólý tártibi bekitildi. Bul týraly Ǵylym jáne joǵary bilim mınıstriniń 2025 jylǵy 16 mamyrdaǵy buıryǵynda kórsetilgen, dep habarlaıdy Egemen.kz.
Qujatqa sáıkes, stıpendııalar kelesi memlekettik organdar arasynda bólindi:
Qazaqstan Respýblıkasy Ǵylym jáne joǵary bilim mınıstrligi:– stýdentterge – 1014 stıpendııa,– magıstranttarǵa – 5 stıpendııa;
Qazaqstan Respýblıkasy Mádenıet jáne aqparat mınıstrligi:– stýdentterge – 17,– magıstranttarǵa – 1;
Qazaqstan Respýblıkasy Densaýlyq saqtaý mınıstrligi:– stýdentterge – 4,– magıstranttarǵa – 1;
Qazaqstan Respýblıkasy Aýyl sharýashylyǵy mınıstrligi:– stýdentterge – 45,– magıstranttarǵa – 1.
Osylaısha, 2025 jylǵa jalpy 1080 stıpendııa stýdentterge, al 8 stıpendııa magıstranttarǵa bólindi.
Erejege sáıkes, Prezıdent stıpendııasy stýdentterge 3-shi kýrstan bastap, al magıstranttarǵa 2-shi oqý jylynan bastap taǵaıyndalady.
Atalǵan buıryq 2025 jylǵy 1 tamyzdan bastap kúshine enedi.
Aıta keteıik, buǵan deıin eldegi úsh shyǵarmashylyq JOO arasynda Memleket basshysynyń 18 stıpendııasy bólingen edi.