Sherzat isi boıynsha sottalǵan Dýman Ysqaq qamaýdan bosatyldy. Bul jóninde zańger Meıirman Shekeev áleýmettik jelidegi paraqshasynda málimdedi, dep jazady Egemen.kz.
Meıirman Shekeevtiń málimetinshe, Sherzat isi boıynsha apellıasııalyq sot otyrysy 2025 jylǵy 18 tamyz kúni saǵat 11:00-de Almaty oblysy sotynyń ǵımaratynda ótedi.
«Dýman Ysqaq birinshi satydaǵy sottyń úkimimen taǵaıyndalǵan jazany tolyq ótep bolǵandyqtan, Almaty oblystyq sotynyń qylmystyq ister jónindegi sot alqasynyń sýdıasy Musabekovanyń 2025 jylǵy 23 shildedegi qaýlysymen oǵan qatysty bultartpaý sharasy joıylyp, ol qamaýdan bosatyldy», dedi Meıirman Shekeev.
Esterińizge sala keteıik, kámeletke tolmaǵan Dýman Ysqaq QR Qylmystyq kodeksiniń 434-baby (Qylmys týraly habarlamaý) boıynsha kináli dep tanylyp, 1 jyl 6 aıǵa bas bostandyǵynan aıyrý jazasy taǵaıyndalǵan bolatyn.