Taıland pen Kambodja arasyndaǵy shekara mańyndaǵy qaqtyǵys uzaqqa sozylmaı, taraptar bir táýliktiń ishinde atysty toqtatýǵa kelisim berdi. Bul týraly Malaızııa premer-mınıstri Anvar Ibragım resmı túrde habarlady. Kelissózder Kýala-Lýmpýrda ótken, dep jazady Egemen.kz.
Eske sala keteıik, 24 shilde kúni shekara aýmaǵynda jaǵdaı ýshyǵyp, Kambodja tarapynan Taılandtyń beıbit turǵyndary turatyn aımaqtarǵa soqqy jasalǵan. Taıland muny jaýapsyz qaldyrmaı, áýe kúshteri arqyly qarsy shabýyl jasap, Kambodja aýmaǵyndaǵy áskerı nysandardy atqylady.
Qaqtyǵys saldarynan eki elde de adam shyǵyny men jaraqat alǵandar tirkeldi. Myńdaǵan adam qaýipsiz jerge kóshýge májbúr bolǵan.
Degenmen, taraptardyń atysty dereý toqtatyp, beıbit kelissózderge bet burýy – aımaqtaǵy turaqtylyqqa degen úmitti oıatty. Qazirgi tańda kelisim saqtalyp tur, ári qos tarap máseleni dıalog arqyly sheshýge beıildi ekenin bildirdi.