2025 jylǵy 1 tamyzdan bastap Qazaqstanda birqatar mańyzdy ózgerister kúshine enedi. Elde Ulttyq aýyl sharýashylyǵy sanaǵy bastalady, keıbir mobıldik tarıfterge jańa sharttar engiziledi, AQSh Qazaqstannan keletin ımportqa 25% kedendik baj salyǵyn engizedi. Sonymen qatar, ChatGPT qyzmetiniń baǵasy qymbattaıdy, dep habarlaıdy Egemen.kz.
Ulttyq aýyl sharýashylyǵy sanaǵynyń birinshi kezeńi bastalady
2025 jylǵy 1–31 tamyz aralyǵynda Qazaqstanda Ulttyq aýyl sharýashylyǵy sanaǵynyń birinshi kezeńi ótedi. Saýalnamalar sanaq.gov.kz saıtynda onlaın rejımde qoljetimdi bolady. Onda aýyl sharýashylyǵy óndirýshileri men úı sharýashylyqtaryna arnalǵan eki túrli saýalnama nusqasy usynylady. Sanaq barysynda shamamen 300 myń aýyl sharýashylyǵy sýbektisi men 2 mıllıon úı sharýashylyǵy qamtylady.
«Qazaqtelekom» arhıvtik tarıf sharttaryn jańartady
2025 jylǵy 1 tamyzdan bastap «Mobaıl Telekom-Servıs» arqyly usynylatyn keıbir arhıvtik mobıldik tarıftik josparlar jańartylady. Sonymen qatar Beeline Qazaqstan óz qosymshasy arqyly basqa operatorlardyń nómirine tólem jasaǵan kezde 0,5% komıssııa ustaýdy engizedi. Bul ózgeris Kcell, Activ, Tele2 jáne Altel nómirlerine jasalatyn aýdarymdarǵa qatysty. Mysaly, eger Tele2 nómirine 1000 teńge jiberilse, onyń 5 teńgesi komıssııa retinde alynady.
AQSh Qazaqstannan keletin ımportqa 25% baj salyǵyn engizedi
1 tamyzdan bastap AQSh Qazaqstannan keletin barlyq ımportqa 25% kedendik baj salyǵyn engizedi. Bul týraly Donald Tramp óziniń Truth Social paraqshasynda jazǵan. Hatta ol Qazaqstanmen saýda qatynastaryn joǵary baǵalaıtynyn atap ótti jáne eger qazaqstandyq kompanııalar ónimderin AQSh-ta óndirse, onda baj salyǵy qoldanylmaıdy dep málimdegen.
ChatGPT jazylymy qymbattaıdy
OpenAI kompanııasy 2025 jylǵy 1 tamyzdan bastap Qazaqstan paıdalanýshylary úshin ChatGPT Plus jazylymyna qosylǵan qun salyǵyn (QQS) engizedi. Sonyń nátıjesinde aı saıynǵy tólem $20-dan $22,40-qa kóteriledi (12% QQS esebimen). Eger paıdalanýshy zańdy tulǵa nemese dara kásipker retinde QQS tóleýshi bolsa jáne BSN-in tirkeý derekterinde kórsetse, QQS alynbaıdy.
Tamyzdaǵy UBT kezeńi bastalady
2025 jylǵy 10–14 tamyz aralyǵynda negizgi UBT-da shekti ball jınaı almaǵan talapkerler qaıta test tapsyra alady. Qatysýshylar testileýdiń ótetin jerin, ýaqytyn jáne kúnin ózderi tańdaı alady. Sonymen qatar negizgi UBT-ǵa qatysqan túlekter pánder kombınasııasyn ózgerte alady. Bul kezeńge mektep pen kolledj túlekteri, qandastar, shetelde orta bilim alǵandar jáne mamandyqtardan aýysqysy keletin stýdentter qatysa alady.
SCAT Almaty – Mınsk jańa reısin ashady
2025 jylǵy 10 tamyzdan bastap SCAT áýe kompanııasy Almaty men Mınsk arasynda tikeleı reıs ashady. Ushýlar ár sársenbi jáne jeksenbi kúnderi oryndalady. Avıakompanııa bul baǵyttyń iskerlik, týrıstik jáne otbasylyq saparlar úshin yńǵaıly bolatynyn aıtty.
Djennıfer Lopes Astana men Almatyda konsert beredi
2025 jylǵy 1 tamyzda Astanadaǵy «Astana Arena» stadıonynda áıgili ánshi Djennıfer Lopes óziniń «Up All Night» týry aıasynda konsert ótkizedi. 10 tamyzda Almatynyń Ortalyq stadıonynda óner kórsetedi. Aldyn ala esep boıynsha, eki konsert memlekettik bıýdjetke 400 mıllıon teńgege deıin salyq túsimin qamtamasyz etýi múmkin.
Konstıtýsııa kúnine oraı qosymsha demalys
2025 jylǵy 30 tamyz — Konstıtýsııa kúni senbige sáıkes keledi. Osyǵan baılanysty demalys kúni 1 qyrkúıek, dúısenbige aýystyrylady. Osylaısha, bes kúndik jumys isteıtinder úshin 30, 31 tamyz jáne 1 qyrkúıek — úsh kún qatarynan demalys bolady.