Pavlodar qalasynda patrýldik polısııa qyzmetkerleri esirtki qabyldap alǵan eki júrgizýshini ustady. Quqyq qorǵaýshylar olardyń áreketterin der kezinde toqtatyp, arnaıy saraptama arqyly zańbuzýshylyq faktisin rastady, dep habarlaıdy Egemen.kz.
Polısııa departamentiniń málimetinshe, birinshi oqıǵa tańerteń Kamzın kóshesinde tirkelgen. Chevrolet Cobalt kóligin basqarǵan er adamda:
Qozǵalys koordınasııasy buzylǵan, Reaksııasy baıaý, Minez-qulqy – agressıvti jáne túsiniksiz bolǵan.Júrgizýshi medısınalyq mekemege jetkizilip, esirtki qoldanǵany anyqtaldy.
Keshke qaraı Nursultan Nazarbaev dańǵylynda Lada Granta avtokóligin júrgizip kele jatqan ekinshi adam ustaldy. Onyń da kólik júrgizý máneri polısııaǵa kúdik týdyryp, saraptama nátıjesi narkotıkalyq zat qoldanǵanyn rastady.
Eki júrgizýshi de ákimshilik jaýapkershilikke tartylyp, kólikteri arnaıy aıypturaǵyna qoıyldy. Materıaldar sotqa jiberilgen.
Pavlodar oblystyq polısııa departamenti málimetinshe, 2025 jyldyń basynan beri óńirde 873 adam mas kúıinde kólik júrgizgeni úshin jaýapqa tartylǵan, onyń ishinde 370-i Pavlodar qalasynda tirkelgen.
«Pavlodar polısııasy azamattardy jol qozǵalysyna jaýapkershilikpen qaraýǵa shaqyrady. Mundaı quqyqbuzýshylyqtar – barlyq qatysýshylar úshin úlken qaýip», – delingen departament habarlamasynda.