«Bogatyr Kómir» kompanııasynda er adam bıikten qulap, aýyr jaraqat aldy. Oqıǵa 2 tamyz kúni kómir kenishi aýmaǵynda bolǵan, dep habarlaıdy Egemen.kz.
Ekibastuzdaǵy «Bogatyr Kómir» JShS-nyń aýmaǵynda 1993 jylǵy qyzmetker jumys ýaqytynda joǵary kerneýli elektr baǵandarynda jóndeý júrgizý kezinde bıikten qulaǵan. Zardap shegýshi oqıǵa saldarynan aýyr jaraqat alyp, jedel járdemmen aýrýhanaǵa jetkizilgen.
- Jazataıym oqıǵa 2 tamyz kúni tirkeldi. Zardap shekken adam «Bogatyr Kómirde» jabdyqtarǵa qyzmet kórsetý jáne jóndeý boıynsha elektrshi-slesar bolyp eńbek etken. Bizdiń basqarma atalǵan jazataıym oqıǵa boıynsha qazir tergeý is-sharalaryn bastady. Alǵashqy túsken aqparattar boıynsha, ol jumysyn aıaqtap bıikten túsip kele jatqanda qulaǵan. Medısına qyzmetkerleriniń málimetinshe, ol aýyr jaraqattanǵan, jaǵdaıy aýyr. Oqıǵanyń tolyǵyraq mán-jaıy tergeý aıaqtalǵan soń ǵana belgili bolady. Er azamattyń otbasy bar,-dep habarlady Memlekettik eńbek ınspeksııasy komıtetiniń Pavlodar oblysy boıynsha departamenti basshysynyń orynbasary Abylaı Sabyrov.
О́ńirlik polısııa departamentiniń baspasóz qyzmeti jazataıym óndiristik oqıǵany tirkedi. Eńbek ınspeksııasy júrgizip jatqan tergeý is-sharalarynyń qorytyndysy polısııaǵa beriledi. Eger oqıǵa jumys berýshiniń kinásinen bolǵany anyqtalsa, qylmystyq is qozǵalýy yqtımal.
Pavlodar oblysy
Ekibastuz qalasy