«Adam jylap týady, Jatady jurt jubatyp, Jáne jylap óledi, О́zgeni de jylatyp», depti aqyn Qadyr Myrza Áli. Biraq bul sózdiń Abaıdyń naǵashysyna qatysy joq.
О́ıtkeni Uljannyń ákesi Turpanmen birge týysqan Tontaıdyń barlyq ómiri tutas kúlki bop ketken. Birde qatty syrqattanyp, úshkirtýge taǵy molda shaqyrtpaq bolǵan bala-nemerelerine sol Tontaı: «Jazyla-jazyla qoja-moldadan da uıat boldy, endi ólmesek bolmas» dep óz betin ózi jaýypty. Qalyń qazaq ortasynyń únemi kóńilin kóterip, aınalasyn dýman-toıǵa bólep júretin Abaıdyń naǵashysy osylaısha baqıǵa da kúlip attanypty.